६ जेठ, काठमाडौं ।
सरकारले कोरोना लगायत विभिन्न कारणले यो विषम परिस्थितिमा अप्ठेरोमा परेका श्रमिकको समस्या समाधानका लागि छुट्टै संयन्त्र बनाएको छ ।
कोरोनाको दोस्रो लहर सुरु भएसँगै गएको वर्षजस्तै श्रमिकहरूको समस्या नदोहोरियोस् भन्नका लागि तत्काल समस्या सम्बोधन हुने गरी संयन्त्र बनाइएको वैदेशिक रोजगार बोर्डका कार्यकारी निर्देशक राजन प्रसाद श्रेष्ठले जानकारी दिए ।
उनका अनुसार मन्त्रीस्तरीय निर्णय अनुसार श्रम, रोजगार तथा सामाजिक सुरक्षा मन्त्रालयको संयोजकत्वमा परराष्ट्र मन्त्रालय, संस्कृति पर्यटन तथा नागरिक उड्डयन मन्त्रालयका सहसचिव र वैदेशिक रोजगार बोर्डका कार्यकारी निर्देशक, विभागका महानिर्देशक र वैदेशिक रोजगार व्यवसायी संघका प्रतिनिधिसहितको छुट्टै संयन्त्र बनाइएको हो । सञ्चारको पाटो भने वैदेशिक रोजगार बोर्डमा रहेको कल सेन्टरले गर्ने निर्णय भएको पनि उनले बताए ।
‘कोरोना महामारीको कारण पुनः समस्याहरू सुरु हुन थालेका छन्, त्यसकारण यो टिमले विषेश गरी सम्बन्धित देशमा रहेका नेपाली नियोगसँग समन्वय गरी उद्धारको काम गर्नेछ,’ कार्यकारी निर्देशक श्रेष्ठले भने ,‘समस्या आउनसाथ त्यसको समाधानतर्फ तत्काल यो संयन्त्रले काम गर्नेछ ।’
कोरोना सङ्क्रमण रोकथामका लागि उडानहरू बन्द भएपछि घर फर्कने तयारीमा रहेका नेपालीहरू श्रम गन्तव्य देशमा अड्किएका छन् । कतिपय त कम्पनीले तोकेको समयमा घर फर्कन नसक्दा अलपत्र जस्तै भइसकेका छन् ।
पार्टी निर्देशन अवज्ञा गर्ने प्रवृत्तिको भर्त्सना गर्ने निर्णयसमेत गरेको छ । यस्तै कार्यदल बनेपछि पनि पार्टीका विपक्षमा मतदान गर्ने कुरालाई सामान्य रूपमा लिन नसकिने एमालेका प्रवक्ता एवम् परराष्ट्र मन्त्री प्रदीप ज्ञवालीले बताए ।
बैठकमा माधव नेपाल पक्षको उद्देश्य एमालेमा रहने खालको नदेखिएकाले कार्यदलको वार्ता अघि बढाउने कि नबढाउने भन्ने बारेमा समेत छलफल भएको ज्ञवालीले बताए ।
यसैबीच मन्त्री ज्ञवालीले सर्वोच्च अदालतको निर्णय कार्यन्वयन गर्नु सरकारको कर्तव्य रहेको प्रतिक्रिया दिए । स्थायी कमिटी बैठकपछि मन्त्री ज्ञवालीले अदालतको निर्णयप्रति कतिपय तर्क र फरक राय हुन सक्ने भए पनि फैसला कार्यन्वयन गर्नु आफूहरूको कर्तव्य रहेको बताए ।
