खेलकुदको कुम्भ मेला विराटनगरमा सुरु

0SHARES

८ फाल्गुन २०७५ नेपाल टाईम्स

विराटनगर, फागुन ८
राष्ट्रिय खेलकुद परिषद्ले आयोजना गर्ने आठौ राट्रिय खेलकुदका लागि आजदेखि विराटनगरमा प्रदेशस्तरीय छनौट प्रतियोगिता सुरु भएको छ । आठौं राष्ट्रिय खेलकुदमा समावेश ३५ खेल मध्य फुटबल, एथलेक्सि, भारोत्तोलन, टेबलटेनिस, क्रिकेट, भलिबल, तेक्वान्दो, कबड्ी, खोखो, उसु, बास्केटबल, ब्याडमिन्टन, कराँते, ह्याण्डबल, चेस, पौडी, सुटिङ, कुस्ती, आईटिएफ तेक्वान्दो, फुलकन्याक कराँते, हक्की र स्क्वास गरि २५ खेलको छनोट प्रक्रिया प्रदेश १ बाट शुरु भएको हो ।

आठौंमा लङटेनिस, साईकलिङ, आर्चरी, फिन्सिङ, गल्फ, म्याराग्लाईडिङ, ट्याथलन, सफ्टेनिस, जिम्यास्टिक र शारिरिक सुगठन खेल भने राष्ट्रिय प्रतियोगिताका लागि संघबाट स्वत छनोट भएका छन् । बक्सिङ, कराँते, भारोत्तोलन र खोखाका खेले आज सुरु भएका छन् । छनौट प्रतियोगितामा ३० वटा इभेन्ट हुने जानकारी दिए।

जसमा २ हजार ८ सय ६६ खेलाडी, ६ सय १५ जना निर्णायक, ५ सय ५९ जना व्यवस्थापक, प्रशिक्षक र ५० जना संघका प्रतिनिधि गरी प्रतियोगितामा ४ हजार ९० जनाले सहभागिता जनाउने पूर्वाञ्चल क्षेत्रीय खेलकुद विकास समितिका अध्यक्ष रविन नगरकोटीले बताए । उद्घाटन समारोहमा प्रदेश १ सरकारका आन्तरिक मामिला तथा कानुन मन्त्री हिक्मत कार्कीले यही फागुन महिना भित्रमा प्रदेशसभाबाट खेलकुद परिषद् निर्माण सम्बन्धी कानुन पास गरी खेलको विकासमा लाग्ने बताएका छन् ।

उनले ६ दशकको लामो समयमा खेलकुद क्षेत्रले उल्लेख्य उपलब्धि हासिल गर्न नसकेको र खेलकुद क्षेत्रमा आशा लाग्दो र भविष्य सुनिश्चित गर्ने क्षेत्र बन्न नसकेको बताए । उनले प्रदेश सरकारले खेलकुद परिषद निर्माण सम्बन्धी कानुन फागुन महिना भित्रमा पास गरी आवश्यक नीति नियम बनाएर अगाडि बढ्ने स्पष्ट पारे ।

विज्ञापन बक्स