२५ जेठ, काठमाडौं ।
नेपालमा थप ३८ जनामा कोरोना संक्रमण पुष्टि भएको छ । आईतबार बिहान गण्डकी प्रदेशमा थप ३८ जना कोरोना संक्रमित फेला परेको स्वास्थ्य निर्देशनालय रामघाट पोखराले जनाएको छ ।
स्याङ्जामा १४, बागलुङमा १०, गोरखामा १० र पूर्वी नवलपरासीमा ४ जनामा कोरोना संक्रमण पुष्टि भएको हो । नयाँ संक्रमितहरु स्याङजाको वालिङ नगरपालिकामा १३ जना र भिरकोट नगरपालिकामा एक जना छन् । यस्तै बाग्लुङको बडिगाड गाउँपालिकामा ९ जना र ढोरपाटन नगरपालिकामा १ जना छन् ।
गोरखाको गण्डकी नगरपालिकाका ९ र पालुङटार नगरपालिकाका एक जनामा संक्रमण पुष्टि भएको छ । त्यस्तै पूर्वी नवलपरासीको हुप्सेकोट गाउँपालिकामा चार जनामा संक्रमण पुष्टि भएको छ । यससँगै गण्डकी प्रदेशमा कोरोना संक्रमित व्यक्तिहरुको संख्या ११३ पुगेको छ ।
