घुस रकमसहित सशस्त्र प्रहरी जवान पक्राउ

0SHARES

१६ कार्तिक २०७७ नेपाल टाईम्स

१६ कात्तिक, बर्दिवास ।

महोत्तरीको गौशाला नगरपालिका वडा नं. २ स्थित निगौल चोकबाट सशस्त्र प्रहरी जवान घुस रकम सहित पक्राउ परेका छन् ।

अख्तियार दुरूपयोग अनुसन्धान आयोगको कार्यालय बर्दिवासले घुस रकम सहित सशस्त्र प्रहरी जवान उमेश चौहानलाई पक्राउ गरेको हो । सशस्त्र प्रहरी बल रामनगर सुरक्षा बेश क्याम्पमा कार्यरत चौहानलाई १७ हजार ६ सय रुपैया सहित रङ्गेहात पक्राउ गरिएको अख्तियार दुरूपयोग अनुसन्धान आयोगको कार्यालय बर्दिवासले जनाएको छ ।

पक्राउ गरिएको चौहानलाई हिरासतमा लिएर थप अनुसन्धान भैरहेको कार्यालयका उप–सचिव कृष्णमणी फूयाँलले जानकारी दिए।

सशस्त्र प्रहरी जवानले घरायसी प्रयोजनको लागि प्रयोग गरिने काठदाउरा सहजीकरण गरिदिने भन्दै सेवाग्राही संग घुस रकमसहित पक्राउ गरिएको कार्यालयले जनाएको छ ।

विज्ञापन बक्स