१२ चैत्र, विराटनगर ।
विराटनगरस्थित तृष्णा रेष्टुरेन्टमा द एज ब्याण्डको कन्सर्ट आयोजना हुने भएको छ ।
श्रस्टा नेपाल र सोलिस इन्टरटेन्मेन्टको संयुक्त आयोजनामा आगामी चैत १९ गते शनिवार कन्सर्ट हुन लागेको छ । विराटनगरमा आज आयोजित पत्रकार सम्मेलनमा नयाँ वर्षको अवसर पारेर कन्सर्ट आयोजना गर्न लागिएको आयोजकले जानकारी दिएको छ ।
द एज ब्याण्डले विराटनगरमा धेरै वर्षपछि कन्सर्ट आयोजना गर्न लागेको हो । द एज ब्याण्ड नेपालकै चर्चित मध्येको एक ब्याण्ड हो । कन्सर्टमा तीन सयदेखि साढे तीनसय युवा युवतीको सहभागिता रहने कार्यक्रम संयोजक साजिद आलमले जानकारी दिए ।
उनले कन्सर्टको टिकटदर दुई हजार रुपैयाँ तोकिएको र टिकट तृष्णा रेष्टुरेन्टमा उपलब्ध हुने बताए ।
