जाडोमा बाढिपीडितको जनजिवन थप कष्टकर बन्दै

0SHARES

१२ पुष २०७४ नेपाल टाईम्स

ईटहरी, पुष १२
गत साउन अन्तिा साता आएको बाढिले विस्थापित बनाएका सुनसरी इटहरीको सुनौलो वस्तीका बाढिपीडितहरु जाडोको समयमा पनि बुढि खोला किनारामा त्रिपाल मुनी वस्न वाध्य हुदै आएका छन ।

पुसको चिसो मौषममा पनि स–साना बालवालिका देखि वृद्धवृद्धाहरु समेत सम्वन्धीत निकायको वेवास्ताकाकारण त्रिपाल मुनी वस्न बाध्य हुदै आएका हुन । गत साउन अन्तिम साता आएको बाढिले इटहरीको वुढि खोला आसपासका सुकुम्वासी वस्तीमा ९ जनाको ज्यान लिएको थियो भने धेरैलाई घरवार विहिन वनाएको थियो ।

त्यस मध्ये धेरैको पुनस्र्थापना भई सकेको छ भने ३१ परिवार अहिले पनि घरवार विहीन अवस्थामा बुढिखोला किनारामै त्रिपाल मुनी वस्दै आएका छन । गत साउन अन्तीम साता आएको वाढीका कारण इटहरीका वाढीपिडीतहरु घरबार विहीन बन्न पुगेका थिए । उनीहरुको हालसम्म पनी व्यवस्थीत व्यवस्थापन हुन सकेको छैन ।

केहीदिन यता बाक्लो हुस्सु तथा शीतलहर चलेका कारण जनजीवन उनीहरुको थप जनजिवन प्रभावित बनेको छ । वर्षायाममा बाढीले घरबारविहीन बनेका पीडितलाई शीतलहरले नराम्ररी सताउन थालेपछी आफुहरुलाई सामस्या भएको बाढिपीडित गंगा थपलियाले बताइन् ।

त्रिपाल तथा जस्ताले छाएको सानो टहरामा वस्दा चिसोको कारण बालवालिका ,वृद्धवृद्धा, महिला तथा अशक्तहरुमा स्वास्थ्य समस्या देखिन थालेको उनले बताइन् । बाढि आएको केही समयसम्म इटहरी उपमहानगरपालिकाले चासो दिएर सुरक्षित ठाँउमा ऐलानी जग्गा खोजेर बसोवासको व्यवस्था गरिदिने बताएको भएपनि अहिलेसम्म कसैले पनि सुरक्षित वसोवासको लागि व्यवस्था नमिलाई दिएको कारण बाध्य भएर त्रिपाल मुनी वस्नु परिरहेको बाढि पिडितको गुनासो छ ।

सुरक्षित ठाउँमा वस्न पाउने आशा संगाल्दा आएपनि कसैले चासो नदिएका कारण आफुहरु पुरानै ठाउँ खोलाको किनारामा वस्नु परिरहेको स्थानिय चन्द्र राईले बताए । चिसोबाट बच्न घर, सिरक तथा अन्य न्याना कपडाहरु अभाबका कारण उनीहरु त्रिपाल र चटाईका भरमा जाडो थेग्न बाध्य छन । बाढी प्रभावित बस्तीहरूमा ओढ्ने–ओछ्याउने नहुँदा धेरैजना चिसोबाट प्रभावित बन्दै आएका हुन ।

बाढिमा सर्वस्व गुमाएर पालको सहारामा रात काट्न बाध्य पिडीतको लागी खानेपानी, बिजुलीबक्ति र सौचालयको अभाव त छँदैछ, त्यो भन्दा ठूलो समस्या, खानपीनको बन्दोबस्ती गर्नु र जाडोबाट बच्नु हो । त्यसैले उनीहरुलाई खानाको जोहो कसरी गर्ने र जाडोबाट कसरी बच्ने भन्ने नै चिन्ताले सताउने गरेको छ ।

सुकुम्वासी वस्तीमा बाढिले क्षति पुर्याएपछि स्थानीयलाई सुरक्षित ठाँउमा बसोवासको व्यवस्था मिलाउन ऐलानी जग्गा खोजेर व्यवस्थापन गर्न खोजिएपनि अहिले सम्म जग्गा पहिचान गरी बाढि पिडितहरुलाई बसोवासको व्यवस्था गर्न नसकिएको इटहरी–३ का वडा अध्यक्ष बालकृष्ण विष्टले बताए ।

कतिपय गरिब परिवारका सदस्य सुकुल (चटाई)का भरमा जाडो थेग्न बाध्य छन् । बाढी र डुबानका कारण झुपडीसमेत गुमाएका पीडित पराल बालेर आगो तापी रात काट्न बाध्य छन् । कुनै पनि निकायले सुरक्षित ठाँउमा वसाउन नसकेपछि आफुहरु फेरी पनि बाढिले क्षति पुर्याउने थाहा पाउदा पाउदै पुरानै ठाँउमा बस्न भएको पिडितको दुखेसो छ ।

विज्ञापन बक्स