तेक्वान्दोका नवीन श्रेष्ठ वर्षका उत्कृष्ट प्रशिक्षक

0SHARES

२८ पुष २०७७ नेपाल टाईम्स

२८ पुस, काठमाडौं ।

तेक्वान्दोका मुख्य प्रशिक्षक नवीनकुमार श्रेष्ठ वर्षको उत्कृष्ट प्रशिक्षक घोषित भएका छन् ।

नेपाल खेलकुद पत्रकार मञ्चले मगंलबार आयोजना गरेको पल्सर स्पोर्टस अवार्डमा श्रेष्ठलाई वर्ष उत्कृष्ट प्रशिक्षक चुनिएको हो । उनले उसुका अमर कुमार थिङ, करातेका मदन उप्रेती, बक्सिङका प्रकाश थापा मगर र पौडीका शंकर कार्कीलाई पछि पार्दै उत्कृष्ट प्रशिक्षकको अवार्ड जितेका हुन् ।

श्रेष्ठले गत वर्ष स्वदेशमा आयोजना भएको १३ औं दक्षिण एसियाली खेलकुद (साग) मा नेपाललाई तेक्वान्दोमा सर्वाधिक १२ स्वर्ण दिलाएका थिए। तेक्वान्दोबाट सागमा भाग लिएका सबै खेलाडीले साग खेलेका सबै २९ खेलाडीले पदक जितेका थिए ।

सागको तेक्वान्दोमा नेपालले १२ स्वर्ण, ६ रजत र ११ कास्य पदक जितेको थियो । नेपाली टोलीले चाइना इन्टरनेसनल च्याम्पियनसिपमा भाग लिदा श्रेष्ठ मुख्य प्रशिक्षक थिए ।

विज्ञापन बक्स