त्रिचन्द्र क्याम्पस स्थानान्तरण गर्ने भन्ने समाचार भ्रामक

0SHARES

१७ श्रावण २०७७ नेपाल टाईम्स

१७ साउन, काठमाडौँ ।
त्रिचन्द्र क्याम्पस स्थानान्तरण गर्न लागिएको भन्ने समाचारहरुमा कुनै सत्यता नभएको क्याम्पसले जनाएको छ।

त्रिचन्द्र क्याम्पसले एक विज्ञप्ति जारी गरी क्याम्पस स्थानान्तरण गर्न लागिएको भन्ने समाचारमा सत्यता नभएको स्पष्ट पारेको हो। रानीपोखरी वरिपरिका संरचना हटाउने र त्रिचन्द्र क्याम्पसलाई जमलको राष्ट्रिय नाचघर अगाडि (पहिले त्रिविको परीक्षा नियन्त्रण कार्यालय रहेको स्थानमा) सार्ने समाचार सार्वजनिक भएका थिए।

‘त्रिचन्द्र क्याम्पसको स्थानान्तरण सम्बन्धी हालै बाहिरिएका समाचार गलत एवं भ्रामक भएको र यस सम्बन्धी कुनै पनि सम्झौता सम्बन्धित निकायसँग त्रिचन्द्र क्याम्पसको तर्फबाट नगरिएको जानकारी गराउँदै सो समाचारप्रति क्याम्पस परिवार पूर्णरुपमा असहमति व्यक्त गर्दछ’, क्याम्पसका प्रमुख प्रा. डा. सुनिल अधिकारीद्वारा जारी विज्ञप्तिमा भनिएको छ।

एक सय वर्षभन्दा बढी पुराना ऐतिहासिक पुरातात्विक एवं शैक्षिक भवन तथा अन्य भवनका प्रयोगशाला र कक्षाकोठा २०७२ सालको भूकम्पले क्षति भएकाले पुनःनिर्माणका लागि अपिलसमेत गरिएको छ।

Facebook Comments

विज्ञापन बक्स