त्रिशुली जीप दुर्घटना अपडेटः हराएकामध्ये २ जनाको शव फेला

0SHARES

११ मंसिर २०७७ नेपाल टाईम्स

११ मंसिर, चितवन ।
चितवनको इच्छाकामना गाउँपालिका ४ मा पर्ने पृथ्वी राजमार्गबाट त्रिशुली नदीमा जीप खस्दा बेपत्ता भएकामध्ये दुई जनाको शव फेला परेको छ ।

चालक सूर्य केसी र जमुना रोकाको शव फेला परेको जिल्ला प्रहरी कार्यालय चितवनले जनाएको छ । जमुना रोकाकी १५ वर्षकी छोरी जेनिशा रोकाको भने खोजी भैरहेको चितवन प्रहरीका प्रवक्ता एवं डीएसपी सूर्य थापाले जनाएका छन् ।

जीपमा रहेका जमुनाका श्रीमान् मुकुन्द बहादुर रोका भने पौडी खेलेर बाँच्न सफल भएका छन् । मुकुन्दको अहिले पुरानो मेडिकल कलेजमा उपचार भैरहेको छ ।

प्युठानबाट बिरामी जेनिशालाई लिएर काठमाडौंका लागि छुटेको लु १ च ९७३१ नम्बरको पिकअप भ्यान त्रिशुली नदीमा खसेको हो । प्रहरीका अनुसार पिकअप भ्यान सडकबाट झण्डै ६० मिटर तल त्रिशूली नदीमा खसेको छ ।

विज्ञापन बक्स