दिनभरका प्रमुख खबर

0SHARES

१९ पुष २०७७ नेपाल टाईम्स

आजका प्रमुख खबरहरुः

१.(विघटनको प्रतिफल)
प्रतिनिधि सभा विघटन भएसँगै ३८ विधेयकहरु निस्क्रिय /निकै समय, श्रम र खर्च लगाएर तयार पारिएका विधेयकहरु निस्क्रिय हुँदा राज्यमा ब्ययभार बढ्नुका साथै कानून बन्नपनि ढिलाई हुने निश्चित ।

२.(विघटनका लिखित कारण)
अहिलेको अवस्थामा प्रधानमन्त्रीलाई प्रतिनिधि सभा विघटन गर्ने अधिकार नभएको भन्दै विघटित प्रतिनिधिसभाका सभामुख अग्निप्रसाद सापकोटाद्वारा सर्वोच्चलाई जवाफ पेश /राष्ट्रपति र प्रधानमन्त्री कार्यालयले पनि संसद विघटन गर्नुको कारण सर्वोच्चमा पठाए ।

३.(सुर्यको लफडा)
संसद विघटनसँगै विभाजित सत्तारुढ नेकपाको आधिकारिकता विवादमा निर्वाचन आयोगले ओली र प्रचण्ड–माधव समूहलाई छुट्टाछुट्टै पत्र पठायो /प्रचण्डलाई सात दिने म्याद दिदा केपी ओलीलाई भने जानकारी मात्र दिइयो ।

४.(अब सम्मान गर्नुस्)
राष्ट्रपति विद्यादेवी भण्डारी र प्रधानमन्त्री केपी शर्मा ओलीमाथि अशोभनिय र अराजक नाराबाजी गर्नेहरु बिरुद्ध कारबाही गर्न अखिल नेपाल महिला संघद्वारा गृहमन्त्रीलाई ज्ञापन पत्र / छानविन गरी कारबाही गर्न गृहमन्त्रीको निर्देशन ।

५.(चुनावको रटान)
कुनै हालतमा संसद पुनरस्थापना नहुने भन्दै वैशाखमा घोषित मध्यावधि चुनाव नरोकिने प्रधानमन्त्री केपी शर्मा ओलीको दाबी /कतिपय व्यक्ति तथा शक्तिले चुनाव हुँदैन भनेर फिजाएको भ्रममा नपर्न पनि आग्रह ।

६.(प्रचारमैत्री विरोध)
चौतर्फी दबाबपछि नेपाली काग्रेसद्धारा संसद् विघटनको विरोधमा आन्दोलनको घोषणा /पुस २५ गते ३ सय ३० प्रदेश निर्वाचन क्षेत्र ,माघ ३ गते नगर र गाउँपालिका तथा माघ ८ गते वडास्तरमा विरोध प्रदर्शन गर्ने लगायतका कार्यक्रम घोषणा ।

७।९कसले निभाउने आगो ?)
नेकपाको विवादले गणतन्त्र खतरामा परेको डाक्टर बाबुराम भट्टराईको भनाई / जिन्दगीभरको मेहनतले बनाएको ‘सङ्घीय लोकतान्त्रिक गणतन्त्र’को घरमा आगो लागेको र केही व्यक्ति आगो निभाउनुको सट्टा खरानीको लागि दौडिरहेको भन्दै आगो निभाउन सुझाव ।

८.(एमसीसीको ताकेता)
एमसीसीसँग भएको सम्झौताबाट फाइदा लिन नेपालले सक्दो छिटो कार्यान्वयन गर्नुपर्नेमा अमेरिकाको जोड/सम्झौता अनुमोदन पछाडि सर्दा नेपाली जनताले पाउने फाइदामा ढिलाइ हुने नेपालस्थित अमेरिकी दूतावासको तर्क/ ५५ अर्ब अनुदानको सम्झौता संसदबाट अनुमोदन गर्नुपर्ने ।

९.(लोभले लाभ, लाभले….)
नक्कली पीसीआर रिपोर्ट बनाएर विदेश जान लागेका ७ जना त्रिभुवन विमानस्थलबाट पक्राउ /जाँच गर्दा रिपोर्ट नक्कली पाइएपछि दुबई जान लागेकाहरुलाई नियन्त्रणमा लिई थप अनुसन्धान भइरहेको प्रहरीको भनाई ।

१०.(सक्रिय घट्दै)
नेपालमा आज ४ सय २१ नयाँ संक्रमित थपिँदा ६ सय ३७ डिस्चार्ज /थप ८ जनाको मृत्युसंगै हालसम्म १ हजार ८७८ संक्रमितको मृत्यु /सक्रिय संक्रमितको संख्या ५ हजार ४८७ मा झर्यो ।

११.(११ घण्टा लोडसेडिङ)
साना जलविद्युत आयोजनाको पानी सुक्न थालेपछि हुम्लाको सदरमुकाम सिमकोटमा दैनिक ११ घण्टा लोडसेडिङ /लामो लोडसेडिङका कारण सिमकोटबासीको दैनिकी प्रभावित हुँदा एसईई तयारीमा रहेका विद्यार्थीहरु समस्यामा ।

१२.(महाकालीमा भारतीय जाल)
महाकालीको बाढीपूर्वको नेपाली भूभागमा भारतले नदी नै पुर्ने गरी तटबन्ध बनाउँदै /दार्चुला प्रशासनले निर्माण कार्य रोक्न भारतको धारचुलाका अधिकारीलाई पुस २ गते पत्राचार गरेपनि निर्माण निरन्तर जारी ।

१३.(खुल्यो साउदी)
साउदी अरेबियाले दुईहप्तादेखि बन्द गरेको अन्तर्राष्ट्रिय उडान आज आइतबारदेखि खोल्यो /कोरोनाको नयाँ स्वरुप देखिएका देशबाट आएका नागरिकहरुले दुई हप्ता क्वारेन्टिनमा बस्नुपर्ने /अन्य देशबाट आएका यात्रुलाई भने पीसीआर र सात दिन होम क्वरेण्टीन अनिवार्य ।

१४.(प्रदेश १ लाई उपाधि)
प्रधानमन्त्री कप राष्ट्रिय महिला क्रिकेट प्रतियोगिताको उपाधि प्रदेश नम्बर १को पोल्टामा /दाङको लमहीमा सम्पन्न फाइलनमा सशस्त्र प्रहरीको एपीएफ क्लब प्रदेश १ संग ६ रनले पराजित ।

र,

१५.(भारतीयलाई खोप)
भारत सरकारद्वारा अक्सफोर्ड विश्वविद्यालय र एस्ट्राजेनेकाले विकास गरेको ‘कोभिसिल्ड’ र भारतको ‘कोभ्याक्सिन’ कोरोना खोपलाई आपत्कालीन प्रयोगका लागि अनुमति/भारतमा पहिलो चरणमा झण्डै तीन करोड मानिसलाई कोरोनाविरुद्धको खोप निःशुल्क दिइने ।

विज्ञापन बक्स