आजका प्रमुख खबरहरुः
१.(कसले गर्छ प्रमाणित ?)
सचिवालय बैठकमा आफूमाथि लगाइएका आरोप सही नभए कार्यकारी अध्यक्ष प्रचण्ड पदबाट हट्नुपर्ने प्रधानमन्त्री एवम् नेकपा अध्यक्ष केपी शर्मा ओलीको तर्क /यदि आरोप सही भए आफू पदबाट हट्ने स्पष्टोक्ति ।
२.(राजीनामा किन नदिने ?)
नेकपाको सचिवालय समस्या समाधान भन्दा समस्या सिर्जना गर्ने थलोका रुपमा विकास हुँदै गएको महासचिव विष्णु पौडेलको भनाई /आफ्नो अभिभारा सहि ढंगले पूरा गर्न नसक्ने भए सामूहिक रुपमा जिम्मेवारी हस्तान्तरण गर्नुपर्ने उल्लेख ।
३.(आजको कोरोना)
नेपालमा हालसम्म १ हजार २ सय ७६ जना कोरोना संक्रमितको मृत्यु /आज २ हजार १ सय ३ संक्रमित थपिदा २ हजार ८ सय ५८ जना डिस्चार्ज /सक्रिय संक्रमित २८ हजार १ सय ६ पुगे ।
४.(लाग्यो लकडाउन)
गुल्मीको रेसुङ्गा नगरपालिकामा ९ दिन लकडाउन गर्ने नगरपालिकाको निर्णय /संक्रमण तीव्र गतिमा फैलिएको भन्दै आगामी १३ गते सम्मका लागि लकडाउन लागू /अत्यावश्यक बाहेक अन्य सबै सेवा बन्द ।
५.(उपचारको पैसा नलिनु)
कोरोना संक्रमितको निःशुल्क उपचार नगर्ने अस्पताललाई कारवाही गर्ने स्वास्थ्य मन्त्रालयको भनाई / निःशुल्क उपचार गर्ने अस्पतालहरुलाई नियमानुसार शोध भर्ना रकम उपलब्ध गराइने ।
६.(त्याग गर्र्न तयार)
पार्टीलाई एक ढिक्का राख्न आफू मन्त्री पद छाड्न तयार रहेको पर्यटनमन्त्री योगेश भट्टराईको भनाई / इतिहासकै कठिन क्षणमा पार्टी रहेकाले कार्यकर्ताहरुलाई पार्टीको अन्र्तविरोधमा पेट्रोल नछर्कन आग्रह ।
७.(किन थपियो होला ?)
नेपाल प्रहरीमा एकजना प्रहरी अतिरिक्त महानिरीक्षक (एआईजी) र पाँच जना प्रहरी नायब महानिरीक्षक (डीआईजी) को दरबन्दी थपियो /दरबन्दी थप भएसँगै रिक्त पदमा बढुवाको तयारी ।
८.(भोकै बस्नु नपरोस्)
खुलामञ्चमा निःशुल्क खाना खुवाउँदै आएको हाम्रो टिम नेपालले अब निःशुल्क खाद्यान्न पनि वितरण गर्ने /थापाथलीमा आउन नसक्ने र घरमा पकाएर खाने अवस्था भएकाहरुको हकमा निःशुल्क खाद्यान्न वितरण सुरु ।
९.(खुल्लम खुला ब्रम्हलुट)
सप्तरीको बोदे बर्साइन नगरपालिकाले महामारीको समयमा २ करोड बढी खर्चविवरण सार्वजनिक गरेकोमा साबुन, मास्क, स्यानिटाइजर लगाायतमा गडबडी गरेको पाइयो /एउटा साबुनको मूल्य ३ हजार ८३१ रुपैयाँ ४२ पैसामा खरिद गरेको बिल सार्वजनिक ।
१०.(ऋण लिनु तलव दिनु)
कोभिड–१९ बाट प्रभावित उद्योग व्यवसायमा पूँजी उपलब्ध गराउन सरकारद्दारा व्यवसायिक निरन्तरता कर्जा प्रवाह कार्यविधि २०७७ जारी /कोषमा जम्मा भएको ५० अर्ब रुपैयाँ मध्ये कोभिडबाट अति प्रभावित क्षेत्र तथा उद्योग व्यवसायमा २५ अर्ब रुपैयाँ प्रदान गरिने ।
११.(दूरगामी सम्झौता)
नेपाल उद्योग वाणिज्य महासंघ र ब्रिटिश काउन्सिलबीच प्राविधिक शिक्षा तथा व्यवसायिक तालिम सम्बन्धी कार्यक्रममा सहकार्य गर्ने सम्झौता /परियोजना मार्फत श्रम बजार सूचना प्रणालीको विकास गरिने ।
१२.(दिवसको औचित्य के ?)
आज विश्व शौचालय दिवस /नेपाल खुला दिशामुक्त क्षेत्र घोषणा भएपनि अझै कतिपय शौचालय अव्यवस्थित र प्रयोगविहिन /विश्वमा अझै पनि दुई अर्ब ४० करोड मानिस शौचालयको पहुँच बाहिर ।
१३.(कारोबारमा कीर्तिमान)
नेपाली सेयर बजारमा साताको कारोवारको अन्तिम दिन बिहीबार सेयर कारोबार रकम ६ अर्ब भन्दा धेरै भएर नयाँ रेकर्ड /सेयर कारोबार मापक नेप्से परिसूचक पनि ३० अंक बढ्यो ।
१४.(हुत्तीहाराको आरोप लाग्ला !)
नेपाल प्रिमियर लिग टी–२० लिगको आयोजना अनुमति भारतीय कम्पनीलाई दिने क्यानको प्रस्ताव /प्रस्तावलाई गद्दारीको संज्ञा दिँदै राष्ट्रिय खेलकुद परिषदको ब्रोडकास्टिङ्ग राईटसको कथा नदोहोर्याउन क्यानकी पूर्व सिइओ भावना घिमिरेको चेतावनी ।
र,
१५.(कोरोनाका कुरा)
विश्वमा हालसम्म कोरोना संक्रमणबाट १३ लाख ५७ हजार बढीको मृत्यु /५ करोड ६६ लाख बढीमा संक्रमण पुष्टि हुँदा ३ करोड ९४ लाख बढी संक्रमण मुक्त ।
