२८ जेठ, काठमाडौं ।
सभामुख अग्निप्रसाद सापकोटाले प्रतिनिधि सभामा प्रतिनिधित्व गर्ने दलका शीर्ष नेताहरूको बैठक सुरु भएको छ ।
संघीय संसद् भवन नयाँ बानेश्वरको ल्होत्से हलमा भर्खरै बैठक सुरु भएको हो । बैठकमा नेपाली कांग्रेसका सभापति शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल प्रचण्ड, नेकपा एमालेका नेता माधवकुमार नेपाल, संघीय समाजवादी पार्टीका संघीय परिषद अध्यक्ष डा। बाबुराम भट्टराईलगायत उपस्थित छन् ।
सापकोटाले पछिल्ला राजनीतिक घटनाक्रमबारे छलफल गर्न प्रधानमन्त्री, पूर्वप्रधानमन्त्रीहरू र प्रतिनिधि सभामा प्रतिनिधित्व गर्ने सबै राजनीतिक दलका नेताहरुको बैठक डाकेका हुन् ।
बैठकमा सभामुख सापकोटाले प्रधानमन्त्री केपी शर्मा ओलीलाई निमन्त्रणा पठाए पनि उनी सहभागी भएका छैनन् ।
