निर्मललाई न्याय दे !

0SHARES

१३ आश्विन २०७५ नेपाल टाईम्स

विराटनगर,असोज १३
बलात्कारपछि हत्या गरिएकी बालिका निर्मला पन्तलाई न्यायदिन मागगर्दै विराटनगरमा सडकमा कविताःनिर्मलाका निम्ति न्याय कार्यक्रम आयोजना गरिएको छ ।

नयां पाइला नामक संस्थाको अगुवाईमा शनिबार अपरान्ह स्थानिय ट्राफिकचोकमा सडकमा कविता कार्यक्रम गरिएको हो । कविता वाचन शुरु हुनुअघि संस्था आबद्ध युवायुवतीले प्ले कार्डसहित प्रर्दशन समेत गरेका थिए ।

युवा युवतीले बोकेका प्ले कार्डमा उठ जनता अति भो, चुप बस्दा क्षति भो,निर्मलालाई न्याय दे र हाम्रो यो युद्ध नारी हिंसा बिरुद्ध लगायतका नारा लेखिएका थिए । प्रदर्शन लगत्तै एकदर्जन बढी कविहरुले न्यायको वकालतगर्दै मार्मिक कविता प्रस्तुत गरेका थिए ।

निर्मला पन्तको बलात्कारको घटना सहित देशभरि हत्या हिंसाको श्रृंखला बढेकाले घटनाका पीडितलाई न्याय दिन र त्यसप्रकारको घटना रोक्न माग गर्दै कार्यक्रम गरिएको आयोजक संस्थाका अध्यक्ष सुमन खडकाले जानकारी दिए ।

विज्ञापन बक्स