न्यू सृष्टि दैनिकको आठौं वार्षिकोत्सव सम्पन्न, दुई दर्जनबढी सम्मानित

0SHARES

२३ फाल्गुन २०७५ नेपाल टाईम्स

विराटनगर, फागुन २३
विराटनगरबाट प्रकाशित हुँदै आएको न्यू सृष्टि दैनिकले आठौं वार्षिकोत्सवका अवसरमा विभिन्न क्षेत्रमा योगदान पु¥याउने दुई दर्जन व्यक्तिलाई सम्मान गरेको छ । वीरेन्द्रसभा गृहमा बिहीबार आयोजित कार्यक्रममा मोरङको सुन्दरहरैंचा नगरपालिकाका मेयर शिवप्रसाद ढकाललाई म्यान अफ इयरबाट सम्मान गरेको छ ।

मोरङका १७ वटा स्थानीय तहमध्ये सबैभन्दा उत्कृष्ट काम गरेबापत ढकाललाई सम्मान गरिएको पत्रिकाका अध्यक्ष शंकर खरेलले बताए । त्यस्तै स्वास्थ्य क्षेत्रबाट डा. ज्ञानेन्द्रमानसिंह कार्की, गायनबाट आनीछोइङ डोल्मा, रामा मण्डल, कलाकारिताबाट मनोज गजुरेल, खेल क्षेत्रबाट पारस खड्का र पारस लुनिया सम्मानित भएका छन ।

त्यस्तै कार्यक्रममा पत्रिकाले साहित्यकार कृष्ण कोइराला चारघरे, पत्रकार कुमार लुइँटेल, गोपाल काफ्ले, समाजसेवी उज्वल प्रसाईं, शिक्षासेवी ज्ञानबहादुर खड्का, युवा उद्यमी पुनित सारडा, प्रतिभा रिजाल, युक्ति गोल्छा, श्रुति शर्मा, अनुपम राठीलाई पनि सम्मान गरेको छ । जाजु ग्रुपले स्थापना गरेको छात्रवृत्ति विसिका थापा र मनिष ऋषिदेवलाई प्रदान गरिएको थियो ।

कार्यक्रमका प्रमुख अतिथि पूर्वप्रधानमन्त्री शेरबहादुर देउवाले दुबोको माला लगाएर नगद र सम्मानपत्र प्रदान गरेका थिए । पत्रिकामा कार्यरत उत्कृष्ट कर्मचारीलाई पनि नगदसहित पुरस्कृत गरेको थियो । न्यू सृष्टि दैनिकलाई आगामी दिनमा अझै सशक्त बनाएर लैजाने प्रकाशकसमेत रहेको खरेलले बताए । कार्यक्रममा कांग्रेस सभापतिसमेत रहेका देउवा प्रदेश–१ का मुख्यमन्त्री शेरधन राई, आन्तरिक मामिला तथा कानुनमन्त्री हिक्मतकुमार कार्कीलगायतले शुभकामना मन्तव्य व्यक्त गरेका थिए ।

विज्ञापन बक्स