नेपाल टाईम्स 
विराटनगर,जेठ २१
भोजपुरको साल्पासिलिछो गाउँपालिका ३ गोथेबजार बस्ने ४५ वर्षीय हर्कबहादुर राईको कुटाईबाट ४० वर्षकी पत्नी मेनुका राईको मृत्यु भएको छ।
मेनुकालाई शनिबार राती घरायसी झगडा हुँदा पति हर्कबहादुर राईले पेटमा लात्तले हान्दा उनको पिसाब थैलीमा समस्या भएको र सोही कारण आइतबार बिहान १० बजे उनको मृत्यु भएको स्थानीयले प्रहरी चौकी कुलुङमा जानकारी गराएको हो।
घटनास्थलमा कुलुङबाट प्रहरीको टोली खटिगई कुटपिटमा संलग्न हर्कबहादुरलाई नियन्त्रणमा लिईएको छ भने इलाका प्रहरी कार्यालय दिङलाबाट गएको टोलीद्वारा घटना सम्बन्धमा अन्य अनुसन्धान कार्य भईरहेको छ ।
