पप्पु कन्स्ट्रक्सनका मालिक सांसद हरिनारायण रौनियार निलम्बनमा

0SHARES

२० आश्विन २०७५ नेपाल टाईम्स

काठमाडौं,असोज २०
पप्पु कन्स्ट्रक्सनका मालिक हरिनारायण रौनियारको सांसद पद नै जाने भएको छ ।

भ्रष्टाचार सम्बन्धी मुद्धा दायर भएसँगै अदालतले सोको जानकारी संसदमा गराएपछि रौनियारको सांसद पद निलम्बन हुने संसद सचिवालयका प्रवक्ता डा. रोजनाथ पाण्डेले विकासन्युजलाई जानकारी दिए ।

संसदको पुरानो कार्यबिधी अनुसार अदालतमा मुद्धा दायर भए लगत्तै संसद पद निलम्बन हुने व्यवस्था थियो । तर संसोधित नयाँ कार्यबिधीमा भने अदालतले संसदलाई मुद्धा सम्बन्धी जानकारी दिएपछि मात्रै निलम्बनमा पर्ने व्यवस्था रहेको छ ।

भ्रष्टाचार सम्बन्धी कसुर प्रमाणित भएमा रौनियारको सांसद पद खारेज हुनेछ । अदालतबाट सफाई पाएमा भने उनको निलम्बन फुकुवा हुनुका साथै सो अवधीको तलब भत्ता समेत प्राप्त गर्नेछन् ।(विकास न्युजबाट)

विज्ञापन बक्स