पर्यटन अधिकार विकेन्द्रित,२२हजार बढी सेवा कार्यालयको अधिकार प्रत्यायोजन

0SHARES

१० भाद्र २०७६ नेपाल टाईम्स

१० भदौ, काठमाडौं । संस्कृति पर्यटन तथा नागरिक उड्डयन मन्त्रालय मातहतको पर्यटन विभागले आफुले गर्दै आएको कामलाई विकेन्द्रित गरेको छ ।

मंगलबार काठमाडौँमा एक कार्यक्रमका बीच पर्यटन विभागले काठमाण्डौ बाहिर रहने ७ कार्यालयहरुलाई कामगर्ने अख्तियारी सहितअधिकार प्रत्यायोजन गरेको हो । पर्यटन विभागले पर्यटन मन्त्रि योगेश भट्टराई सहित ६ प्रदेशका उद्योग पर्यटन वन तथा वातावरण मन्त्री सहभागी थिए भने प्रदेश १ बाट मुख्यमन्त्री शेरधन राईको उपस्थितीमा ७ कार्यालयहरुलाई अधिकार प्रत्यायोजनको हस्ताक्षर गरेको छ ।

पर्यटन विभागले आफुले गर्दै आएको काम झापाको काकड्Þभिट्टा, सोलुखुम्बुको नाम्चे, धनुषाको जनकपुर, वर्षाको बीरगंज, रुपन्देहीको भैरहवा, कास्कीको पोखरा र बाँकेको कोहलपुरमा रहेको पर्यटन कार्यालयहरुले गर्ने गरि अधिकार प्रत्यायोजन गरेको छ ।

७ वटा कार्यालयहरुले ,ट्राभल एजेन्सी तथा ट्रेकिंग एजेन्सी र ¥याफ्टिग एजेन्सीको इजाजत दिने तथा नविकरण गर्ने, पर्यटक यातायात सेवाब्यबसायको लागिइजाजतदिने नविकरण गर्ने, पर्यटक स्तरिय होटल तथाहोमस्टेको इजाजत दिने तथा नविकरण गर्ने र टुर गाइड, ट्रेकिंग गाइड, ट्रेकिंग पोर्टर, रिभर गाइड, लागतको इजाजत र नविकरणको काम गर्नेछन । प्रदेश सरकार मातहत रहेर काम गर्ने यी कार्यालयहरुले आगामी असोज १ बाट काम थाल्नेछन् ।

नव गठित कार्यालयहरुले पर्यटक स्तरिय ३ सय ६१ होटल,९२ वटा होमस्टे, ३ हजार २६२ वटा ट्राभल एजेन्सी,२ हजार ४१७ वटा ट्रेकिंग एजेन्सी,८५ वटा ¥याफ्टिग एजेन्सी, २ सय १४ रिभर गाइड, ट्रेकिंगपोर्टर गाइड १ सय ७२, पर्यटन यातायात सेवा ७९,ट्रेकिंग गाइड १२ हजार ९ सय ८१ र टुरिष्ट गाइड २ हजार ७ सय १ गरि २२हजार ३ सय ६४ सेवाको अभिलेख व्यवस्थापन, नविकरण तथा सहजीकरण गर्नुपर्नेछ ।

यसका साथै स्थानीय स्तरमा कार्यालय खुलेपछि पर्यटन सेवाको लागि नयाँ खोलिने कार्यालयहरुको ब्यबस्थापन समेत यीनै कार्यालयहरुले गर्नेछन् । केन्द्रमा रहेको पर्यटन विभागले अन्तरप्रदेश कार्यालय र मन्त्रालयबीच समन्वय गराउने कामगर्ने छ । सरकारले संघियताको मर्म अनुसार प्रदेश स्तरमा खुलेका कार्यालयहरुले भ्रमण वर्ष २०२० लाई सफल बनाउनपनि सहयोग गर्ने सरकारले विश्वास लिएको छ ।

विज्ञापन बक्स