पूवि प्राध्यापक संघमा ३ मतले श्रेष्ठ निर्वाचित, यस्तो छ अन्तिम मत परिणाम

0SHARES

५ चैत्र २०७५ नेपाल टाईम्स

विराटनगर, चैत ५
पूर्वाञ्चल विश्वविद्यालय (पूवि) प्राध्यापक संघ केन्द्रीय सभापतिमा डा. सन्देशदास श्रेष्ठ चयन भएका छन् । मंगलबार भएको निर्वाचनमा श्रेष्ठले अर्का प्रतिस्पर्धी नरेशकुमार साहलाई ३ मतले पछि पार्दै विजयी भएका हुन् ।

सभापतीका लागि पू.वि.स्कूल अफ म्यानेजमेन्ट (पूसोम)का सह–प्राध्यापक रहेका श्रेष्ठ र पू.वि.स्कूल अफ इञ्जिनियरिङ एण्ड टेक्नोलोजी (पूसेट)का सह–प्राध्यापक रहेका साह चुनावी प्रतिस्पर्धामा आएका थिए ।यो प्राध्यापक संघको केन्द्रीय नेतृत्वका लागि पहिलो पल्ट दुई प्यानलबीच प्रतिस्पर्धा भएको हो ।

त्यस्तै प्रध्यापक संघको उप–सभापतिमा बसन्त पौडेल निर्वाचित भएका छन् भने महासचिवमा नविन भट्टराई निर्वाचित भएका छन् ।संघको सचिवमा जिवन थापा, कोषाध्यक्षमा नितीन भगत र सदस्यहरुमा डा. बिनिता पौडेल,यज्ञ प्रसाद जमरकट्टेल,सन्नी कुमार साह र मदन बहादुर थापा निर्वाचित भएका छन् ।

निर्वाचनका लागि विश्वविद्यालयको विभिन्न संकायअन्तर्गत सञ्चालित आंगिक क्याम्पसहरूमा प्राध्यापन गर्ने ८० जना मतदाताहरु रहेका थिए ।

अन्तिम मत परिणाम:

सभापति:
डा. सन्देश दास श्रेष्ठ ३९ 
नरेश कुमार साह ३६

उप सभापति:
बसन्त पौड्याल ४२ 
युवराज धिताल ३४

महासचिव:
नबिन भट्टराई ३४
भुपेन्द्र बाराकोटी ४१ 

सचिव:
जिवन थापा ४१ 
डा. प्रसन्न दाहाल ३५

कोषाध्यक्ष:
नितीन भगत ३९ 
प्रमोद कुमार यादव ३६

सदस्यहरु:
डा. बिनिता पौडेल ४२ 
यज्ञ प्रसाद जमरकट्टेल ३८ 
सन्नी कुमार साह ४० 
मदन बहादुर थापा ४० 
रमण कुमार वर्मा ३५
उमा प्रधान ३६
मनोज कुमार मेहता ३३
राकेश कुमार ठाकुर ३७

विज्ञापन बक्स