प्रदेशको स्थायी राजधानी र नामाकरण : असोज १५ अन्तिम ‘डेटलाइन’

0SHARES

२३ भाद्र २०७५ नेपाल टाईम्स

प्रदेश १ को स्थायी राजधानी र नामाकरण साउनमै टुङ्गो लगाईसक्ने भनेर भदौ गुजार्न लागेको प्रदेश सरकार भित्रभित्रै निणार्यक कसरतमा जुटेको छ ।

पार्टी नेतृत्वभित्र निरन्तर छलफलमा जुटेका मुख्यमन्त्री शेरधन राईले साउन अन्तिम सम्मको म्याद गुजारेपछि प्रतिपक्षि दल नेपाली काङ्ग्रेसले सदनमा चर्को आवाज उठाईरहेको बेला सरकारका प्रवत्ता एवम् आन्तरिक मामिला तथा कानुनमन्त्री हिक्मत कुमार कार्कीले असोज १५ अन्तिम ‘डेटलाईन’ हुने खुलासा गरेका छन् ।

प्रवत्ता कार्कीले सबै कुरा बाहिर भनिहाल्न नमिल्ने सञ्चारकर्मीहरुलाई प्रतिक्रिया दिएका छन् । तर सरकार निणर्यको अन्तिम चरणमा पुग्न लागेको भन्दै शुक्रबार प्रदेशसभा बैठकमा पनि त्यही कुराको संकेत गरेका हुन् ।

मन्त्री कार्कीले प्रदेशसभा बैठकमा बिशेष समय लिएर बोल्दै भने –‘सबैसँग उत्तिकै छलफल नभएको हुनसक्छ, तर मुख्मन्त्रीले छलफल गरिरहनुभएको छ , छिटो भन्दा छिटो टुङ्ग्याएर अघि बढ्न लागिरहेका छौँ । ’ यो समाचार आजको उद्घोष दैनिकमा छापिएको छ ।

विज्ञापन बक्स