१७ असाेज, काठमाडौं।
प्रधानमन्त्री केपी शर्मा ओलीको कोरोना भाइरसको परीक्षण रिपोर्ट नेगेटिभ आएको छ। प्रधानमन्त्रीकाे सचिवालयका चार जना सदस्यहरुलाई शनिबार कोरोना संक्रमण देखिए पनि उनको कोरोना परीक्षण प्रतिवेदन नेगेटिभ आएको हाे ।
प्रधानमन्त्रीका सञ्चार विज्ञ रामशरण बजगाईका अनुसार प्रधानमन्त्री ओलीको बुधबार स्वाव संकलन गरिएकाेमा विहीबार रिपोर्ट आएको थियो । फेरि स्वाव संकलन गरिएको छैन । सचिवालयका सदस्यहरुमा कोरोना पोजेटिभ देखिएपछि उनको सुरक्षा सतर्कतामा ध्यान दिइएको छ ।
यसअघि प्रधानमन्त्रीको सुरक्षार्थ खटिएका केही सुरक्षाकर्मीमा समेत कोरोना संक्रमण देखिएपछि सचिवालयका सदस्यहरुको परीक्षणका लागि स्वाव संकलन गरिएको थियो ।प्रधानमन्त्रीकाे सुरक्षामा खटिएका गरी ५० भन्दा बढीलाई संक्रमण भएको बताइएको छ ।
