मोरङमा माईक्रोको ठक्करबाट बालकको ज्यान गयो

0SHARES

१० चैत्र २०७५ नेपाल टाईम्स

विराटनगर, चैत १०
मोरङको सुन्दरहैचा नगरपालिका –८ स्थित पूर्वपश्चिम राजमार्गमा आइतबार बिहान माईक्रो बसको ठक्करबाट एक बालकको घटनास्थलमै ज्यान गएको छ ।

पूर्वबाट पश्चिमतर्फ जाँदै गरेको बा ५ ख ३५४ नम्बरको हायस माईक्रोबस आफैँ अनियन्त्रित भई सडक किनारको पिपलको रुखमा ठोक्किदा पैदलयात्री सुनसरी, धरान उपमहानगरपालिका बस्ने १३ वर्षिय सबिन मक्रान्तीलाई ठक्कर दिएको थियो ।

माईक्रो बसको ठक्करबाट मक्रान्तीको घटनास्थलमै मृत्यु भएको इलाका प्रहरी कार्यालय बेलवारीका प्रहरी निरीक्षक रामकुमार राईले जानकारी दिए । दुर्घटनामा माईक्रो बसका सहचालक मोरङ, उर्लाबारी नगरपालिका बस्ने २२ वर्षिय सचिन परियार गम्भिर घाईते भएकाले उनको विराट नर्सिङ होम, विराटनगरमा उपचार भईरहेको छ ।

चालक पथरीशनिश्चरे नगरपालिका – ९ बस्ने २९ वर्षिय रमेश बस्नेत सामान्य घाईते भएकाले उनको बेलवारीस्थित नोबेल सामुदायिक अस्पतालमा उपचार भईरहेको छ । माईक्रो बसमा चालक र सह–चालक मात्र रहेको प्रहरीले जनाएको छ ।

विज्ञापन बक्स