३० कार्तिक, काठमाडौं ।
इटाली विश्वकप फुटबलमा सोझै छनोट हुन असफल भएको छ ।
युरोपियन छनोट अन्तर्गत सोमबार राति नर्दन आयरल्याण्डसँग गोलरहित बराबरीमा रोकिएपछि इटालीले विश्वकपमा स्थान बनाउन प्ले अफ खेल्नु पर्ने भएको हो ।
युरोकप विजेता इटालीले सिधै विश्वकपमा स्थान बनाउन हिजोको खेल जित्नै पर्ने थियो ।
छनोटको समूह ‘सी’ मा रहेको इटालीले ८ खेलमा १६ अंक जोड्यो र दोस्रो स्थानमा रह्यो । नर्दन आयरल्याण्ड ९ अंक जोडेर तेस्रो स्थानमा छ।
