राप्रपा अध्यक्ष कमल थापा कोरोना संक्रमणमुक्त

0SHARES

९ कार्तिक २०७७ नेपाल टाईम्स

९ कात्तिक, काठमाडौं।

राष्ट्रिय प्रजातन्त्र पार्टीका अध्यक्ष कमल थापा ॐ अस्पतालबाट डिस्चार्ज भएका छन् । कोरोना संक्रमण पुष्टि भए पश्चात गत असोज ३० गते अस्पताल भर्ना भएका थापाको स्वास्थ्यमा उल्लेख सुधार भएपछि अस्पतालले उनलाई डिस्चार्ज गरेको राप्रपा केन्द्रिय सचिवालय सदस्य राजाराम बर्तौलाले जानकारी दिए।

अस्पतालबाट घर फर्किएलगत्तै उनले भनेका छन्‚ ‘आफ्नो स्वास्थ्यप्रति चिन्ता लिई स्नेह,सद्भाव र शुभकामना दिनुहुने सबैमा सादर कृतज्ञता निवेदन गर्दछु। ओम हस्पिटल परिवार र सम्पूर्ण स्वास्थकर्मीहरुमा विशेष आभारी छु।’

गत असोज २८ गते बुधबार स्वास्थमा समस्या देखिएपछि काेराेना परिक्षण गर्दा उनमा कोरोना भाइरसको संक्रमण पुष्टि भएकाे थियाे। उनलाई टाउको दुख्ने,ज्वोरो आउने र श्वासप्रस्वासमा केहि असहज महसुस भएपछि यस अस्पतालकाे सघन उपचार कक्षमा राखेर उपचार गरिएको थियो ।

विज्ञापन बक्स