राष्ट्रपति भण्डारीद्वारा पलाञ्चोक भगवतीको दर्शन तथा पूजापाठ

१९ आश्विन २०७६

१९ असोज, काभ्रे । नवरात्र अन्तर्गत महाअष्टमीको दिन आइतबार राष्ट्रपति विद्यादेवी भण्डारीले पाँचखाल ९ साठीघरमा रहेको पलाञ्चोक भगवती मन्दिर पुगेर दर्शन र पूजापाठ गरेकी छन् । विहान १० बजेर ५ मिनेटमा मन्दिर प्रवेश गरेकी उनले २१ मिनेटसम्म विशेष पुजाअर्चना गरेकी थिइन् ।

हेलिकप्टरबाट ८ बजे नेपाली सेनाको विरेन्द्र शान्ती कार्य तालिम केन्द्रमा अवतरण गरेपछि स्कर्टिङमा मन्दिर पुुगेकी राष्ट्रपति भण्डारीको साथमा राष्ट्रपति कार्यलयका सचिव डा. हरि पौड्याल, जेठी छोरी उषाकिरण अधिकारी लगायत सचिवालयका अधिकाहरु थिए ।

गतबर्ष असोज ३१ गते महाअष्टमीकै दिन राष्ट्रपति भण्डारी तत्कालिन संस्कृति,पर्यटन तथा नागरिक उड्ययन मन्त्री रविन्द्र अधिकारीसहित मन्दिर दर्शनको लागि पुगेकी थिइन् । राष्ट्रपति नियमित पलाञ्चोक आएको यो तेस्रो पटक हो ।

राष्ट्रपति भण्डारीलाई जिल्ला समन्वय समितिका काभ्रेका प्रमुख उद्धव केसी, उपप्रमुख मञ्जु गौतम, धुलिखेल नगरपालिका प्रमुख अशोककुमार व्याञ्जु श्रेष्ठ, पाँचखाल नगर उपप्रमुख लक्ष्मी दनुवार, प्रमुख जिल्ला अधिकारी श्रवणकुमार तिमल्सिना, वडाअध्यक्ष किरण श्रेष्ठ, सुरक्षा निकायका प्रमुखहरुले स्वागत गरेका थिए ।

Facebook Comments

विज्ञापन बक्स