राष्ट्रिय खेलकुद परिषद्को सदस्यमा ६ जना मनोनित

0SHARES

१६ श्रावण २०७७ नेपाल टाईम्स

१६ साउन, काठमाडौं । राष्ट्रिय खेलकुद परिषद् (राखेप) मा ६ जना सदस्य मनोनयन गरिएको छ । युवा तथा खेलकुदमन्त्री जगत बहादुर सुनार विश्वकर्माले हिजो विभिन्न क्षेत्रबाट प्रतिनिधित्व हुने गरि राखेपको बोर्ड सदस्यमा ६ जनालाई मनोनयन गरेका हुन् ।

मन्त्री विश्वकर्माले खेल बिज्ञ र प्राविधिकको रुपमा रिम रानाभाट र ईन्दिरा निरौलालाई मनोनयन गरेका छन् । यसैगरी राष्ट्रिय खेल संघको सिफारिसबाट अर्जुन केसी, सम्पन्न श्रेष्ठ र सुवास श्रेष्ठलाई मनोनयन गरिएको छ ।

यस्तै, परम्परागत, साहसिक तथा पर्यटकीय खेल क्षेत्रको प्रतिनिधिको रुपमा गोविन्द्र प्रसाद भट्टराईलाई मनोनयन गरिएको छ ।

भट्टराई पर्वतीय खेलकुद महासंघका अध्यक्ष हुन् । राष्ट्रिय खेलकुद विकास ऐन कार्यान्वयनमा आएसंगै मन्त्रालयले परिषद्को बोडलाई पूर्णता दिन लागि परेको छ ।

मन्त्रालयको सिफारिसमा यस अघिनै मन्त्रीपरिषद्ले परिषद्को उपाध्यक्षमा शिव कोईराला र सदस्य सचिवमा रमेशकुमार सिलवाललाई नियुक्त गरिसकेको छ ।

नयाँ ऐनले ३७ जनाको बोर्ड परिकल्पना गरेको छ ।

Facebook Comments

विज्ञापन बक्स