रियल मड्रिडको लय बिग्रियो : १० वर्षयता सबैभन्दा खराब स्थितिमा

0SHARES

७ फाल्गुन २०७५ नेपाल टाईम्स

उसले यो सिजन लिगको छैटौं खेलमा आफ्नो घरमा सेभिल्लासँग ३–०, आठौं खेलमा अवे मैदानमा आलभेससँग १–०, नवौं साताको खेलमा आफ्नो घरमा लेभान्टेसँग १–२, दशौं खेलमा बार्सिलोनासँग अवे मैदानमा ५–१, १३औं खेलमा अवे मैदानमा एइबारसँग ३–०, १८औं खेलमा आफ्नो घरमा रियल सोसिडाडसँग ०–२ ले हारेको थियो । हालसालै जिरोनासँग अवे मैदानमा १–२ ले हारेपछि रियलको यो सिजनको हार संख्या ७ पुगेको छ ।

यो सिजन रियलले कूल २४ खेल खेल्दा १४ खेल जितेर ३ खेल बराबरी गरेको छ भने ७ खेल हारेको छ ।

र, रियलको हालको अवस्था पूर्वखेलाडी क्रिस्टियानो रोनाल्डो सन् २००९ मा रियल मड्रिडमा आएर गत वर्ष छाडेयताकै सबैभन्दा खराब हो । रोनाल्डो सन् २००९ मा इंग्लिस क्लब म्यानचेस्टर युनाइटेडबाट रियलमा अनुबन्ध भएका थिए ।

३४ वर्षीय रोनाल्डो यसै सिजनको सुरुमा १ सय १२ मिलियन युरोमा रियल छाडेर युभेन्टस पुगेका थिए । युभेन्टस गएपछि रोनाल्डो उत्कृष्ट लयमा छन् ।

रियलले यो सिजन घरेलु लिग ला लिगामा भोगेको ७ हार सन् २००९÷१० यताकै सबैभन्दा बढी हो । रियलले सन् २००८÷२००९ मा सबैभन्दा सिजनभरमा १० खेल हारेको थियो, जतिबेला रोनाल्डो रियल आइसकेका थिएनन् ।

त्यसयता रोनाल्डो टोलीमा आएपछि रियलले सिंगै सिजनमा ६ भन्दा बढी खेल हारेको थिएन । तर, रोनाल्डोले रियल छाडेकै वर्ष रियलले २४ खेल सकिँदा ७ खेल हारिसकेको छ । जब कि, लिगमा अझै १४ खेल खेल्नै बाँकी छ ।

रियलको लिगको हारको तथ्यांक :

सिजन २००८/०९ — १०
सिजन २००९/१० — ४
सिजन २०१०/११ — ४
सिजन २०११/१२ — २
सिजन २्र१२/१३ — ५
सिजन २०१३/१४ — ५
सिजन २०१४/१५ — ६
सिजन २०१५/१६ — ४
सिजन २०१६/१७ — ३
सिजन २०१७/१८ — ६
सिजन २०१८/१९ — ७ (१४ खेल बाँकी)

विज्ञापन बक्स