रुकुम घटनाबारे गृहको निष्कर्षः वडाध्यक्षले झुट बोले

0SHARES

३ असार २०७७ नेपाल टाईम्स

३ असार, काठमाडौँ ।
६ जनाको ज्यान जाने गरी रुकुमको चौरजहारीमा भएको घटनामा वडाध्यक्ष डम्बरबहादुर मल्लले प्रहरीलाई गुमराहमा राखेर गलत सूचना दिएको गृह मन्त्रालयले निष्कर्ष निकालेको छ ।

सो घटनाका आरोपीहरु विरुद्ध अदालतमा जाहेरी दर्ता भएपछि मन्त्रालयले गठन गरेको छानबिन समितिको निष्कर्ष सार्वजनिक गर्दै वडाध्यक्ष मल्लले लकडाउनमा जाजरकोटका युवाहरु गाउँ छिरे, उनीहरुलाई नियन्त्रणमा लिनुपर्छ भन्ने बहानामा गाउँलेहरुलाई एकीकृत गराई नियन्त्रणमा लिनुपर्छ भनेर उत्प्रेरित गरेको उल्लेख गरेको छ ।

उनले गोइरी औलका व्यक्तिहरुलाई समेत गलत सूचना प्रवाह गरी बाटो छेक्न लगाएको र गाउँ छिरेका व्यक्तिलाई नियन्त्रणमा लिने नाममा प्रहरीलाई गलत सूचना दिएर गुमराहमा पारेर अर्कोतिर पठाएर झन्डै ४ किलोमिटर टाढा गइसकेका पीडितहरूलाई लखेटेर ढुंगा प्रहार गरी नवराज विकसहित ६ जनाको ज्यान लिने परिस्थिति सिर्जना गरेको गृहद्धारा सार्वजनिक विवरणमा उल्लेख गरिएको छ ।

गृहको विवरणमा अभियोग पत्रमा मागदाबी गरिएझै सबै आरोपीमाथि जातीय भेदभाव, ज्यान मार्ने उद्योग र कर्तव्य ज्यानमा कारबाही उल्लेख गरिएको छ ।

देश आर्थिक संकटमा : आम्दानी भन्दा खर्च दोब्बर
देश यतिबेला चरम आर्थिक सङ्कटमा परेको छ । कोरोनाले चैत ११ गतेदेखि लकडाउन हुँदा देशको आर्थिक गतिविधि शून्य भएपछि सरकारको आम्दानीमा धक्का लागेको हो ।

सरकारको आम्दानीले दायित्वसमेत धान्न मुस्किल परेको छ । अर्थमन्त्री डा. युवराज खतिवडाले समेत आम्दानी घटेपछि खर्च धान्नै मुस्किल भएको स्विकारिसकेका छन् । प्रतिनिधि सभाको बैठकमा बोल्दै उनले सरकारको मासिक खर्च ४० अर्ब तर आम्दानी औसतमा १५ अर्ब रहेको भनेका छन् । खर्च धान्नै मुस्किल भएपछि सरकारले यतिबेला रोयल्टीलाई राजस्वमा दाखिला गरेर खर्च चलाउने प्रयास गरिरहेको छ ।

विज्ञापन बक्स