रोमानियाको कोरोना अस्पतालमा आगो लाग्दा कम्तीमा १० जनाको मृत्यु

0SHARES

३० कार्तिक २०७७ नेपाल टाईम्स

३० कात्तिक, काठमाडौं । रोमानियाको कोरोना अस्पतालमा आगो लाग्दा कम्तीमा १० जनाको ज्यान गएको छ । आगलागीमा अरू केही जना जलेर घाइते भएका छन् ।

रोमानियाको उत्तर–पूर्वी सहर पिएत्रा निभएमतामा रहेको कोरोना सङ्क्रमितको उपचार भइरहेको अस्पतालको सघन उपचार कक्ष (आईसीयू) मा आगो लागेको बीबीसीले जनाएको छ ।

बीबीसीका अनुसार बिरामीको उद्धारमा जुटेका एक जना डाक्टर जलेर गम्भीर घाइते भएका छन् । घाइते डाक्टरलाई उद्धार गरी सेनाको विमानमार्फत उपचारका लागि बुकारेस्ट लगिएको छ ।

आगलागीमा अरू केही स्वास्थ्यकर्मी पनि जलेर घाइते भएको त्यहाँका स्वास्थ्यमन्त्री निलु तातारुले बताएकी छन् । बिजुली शर्ट हुँदा आगो लागेको हुन सक्ने अनुमान गरिएको छ ।

रोमानियामा अहिलेसम्म साढे तीन लाखभन्दा धेरैलाई कोरोना भाइरसको सङ्क्रमण पुष्टि भएको छ भने आठ हजार आठ सयभन्दा धेरैको ज्यान गएको छ ।

विज्ञापन बक्स