ललितपुर मेयर्स–११ सँगको खेलमा विजयी भएसँगै प्रदेश एकको प्रतियोगितामा सुखद अन्त्य

694SHARES

२६ चैत, काठमाडौँ । ललितपुर मेयर कप महिला टी–२० क्रिकेट प्रतियोगितामा बिहीवार भएको खेलमा प्रदेश एकले ललितपुर मेयर्स–११ लाई हराएको छ ।

लिगको अन्तिम खेलमा प्रदेश एकले मेयर्स–११ लाई १५ रनले हराएको हो ।

कीर्तिपुर क्रिकेट मैदानमा टस जितेर पहिले ब्याटिङ गरेको प्रदेश एकले निर्धारित २० ओभरमा दुई विकेट गुमाउँदै एक सय २८ रन बनायो ।

प्रदेश एककी रोमा थापाले अविजित ६६ रन बनाइन् । ललितपुरकी सन्तोषी चौधरी र सरस्वती कुमारीले एक/एक विकेट लिए ।

एक सय २९ रनको लक्ष्य पछ्याएको मेयर्स–११ ले निर्धारित ओभरमा सात विकेट गुमाएर एक सय १३ रन बनाउन सक्यो । मेयर्स– ११ का लागि अनुराधा चौधरीले सर्वाधिक २८ रन बनाइन् ।

प्रदेश एककी रुविना क्षेत्रीले तीन विकेट लिइन् । जितसँगै प्रदेश एकले प्रतियोगितामा सुखद अन्त्य गरेको छ ।

प्रतियोगिताको फाइनलमा सुदूरपश्चिम र एपीएफ आउँदो शनिबार खेल्नेछन् । प्रतियोगिताको विजेताले तीन लाख र उपविजेताले एक लाख ५० हजार रुपैयाँ पुरस्कार पाउने छन् ।

छुटाउनुभयो कि?

सम्पूर्ण