विराटनगरमा नमुना आवास कार्यक्रमको शिलान्यास

0SHARES

२० फाल्गुन २०७५ नेपाल टाईम्स

एजेन्सी, फाल्गुन २०
नेपाल सरकार र विराटनगर महानगरपालिकाको संयुक्त लगानीमा विराटनगर महानगरपालिका स्थित वडा नम्बर ५ मा १ सय नमुना आवास गृह बनाइने भएको छ । स्थानीय कंचनबारी चोक केशलिया नजिक रहेको झण्डै २ विगाह क्षेत्रफलमा आवास गृह बनाइन लागेको हो । सुकुम्वासी तथा विपन्न परिवारका लागि आवास निर्माण कार्यक्रमको सोमवार विराटनगरमा शिलान्यास गरिएको छ ।

सो आवास निर्माणका लागि ह्यावीटेट फर ह्युमानिटी इन्टरनेसनल नेपाल,उद्योग संगठन मोरङ,मोरङ ब्यापार संघ लगायतको समेत सहभागिता रहनेछ । नेपाल सरकारको २ करोड ,ह्यावीटेट नेपालको १ करोड ५० लाखको सहयोग रहनेछ भने उद्योग संगठन मोरङ र मोरङ ब्यापार संघले २० वटा घर बनाउने सहमति भएको छ । शिलान्यास कार्यक्रममा संघीय मामिला तथा सामान्य प्रशासन मन्त्री लालवावु पण्डितले तीनै तहका सरकारहरु देश निर्माण सहित समृद्धिको बाटोमा हिडेरहेको बताए । उनले भूमीहिन र विपन्न बर्गका समुदायको जीवनस्तर उठाउन सरकार कटिवद्ध भएर लागेको बताए ।

संघीय,प्रदेश र स्थानीयतहमा निर्वाचित जनप्रतिनिधि केही गरौ भन्ने भावनाका साथ काम गरिरहेको दावी गरे । तराइ,मधेस समृद्धि कार्यक्रमले समेत गति लिएको र चाढै नै जनताले राहत पाउदै जाने मन्त्री पण्डितले बताए । उनले विराटनगरमा भइरहेका विकास निर्माणका कामहरु सन्तोषजनक रुपमा अगाडी बढीरहेको बताए । आफु सम्लग्न भएर महानगरका मेयरको अगुवाइमा भएका सवै कामले पूर्णता पाउने दावी समेत उनले गरे ।

कार्यक्रममा प्रदेश नं.१ का सामाजिक विकास मन्त्री जीवन घिमिरेले जन अपेक्षा अनुरुपका कामहरु हुदै गएको बताए । राज्यले जग्गा र धनीपुर्जा बाढ्ने भन्दा पनि निश्चित बर्ग र समुदायका व्यक्तिहरुलाई आवासको व्यवस्था गर्नु पर्नेमा जोड दिए । विराटनगर महानगरका मेयर भीम पराजुलीले आफ्नो कार्यकालमा थालनी भएका शिलान्यास सहित जनहितका कार्यक्रम आफ्नै पालामा सम्पन्न गर्ने लक्ष्यका साथ काम गरिरहेको बताए ।

विज्ञापन बक्स