विराटनगरर , मंसिर १५
विराटनगरमा आगामी शनिबार एकदिवशिय ‘जेसीज प्रेसिडेन्ट सुपर क्रिकेट कप’ प्रतियोगिता हुने भएको छ ।
प्रतियोगिताको सातौ संस्करण अन्तर्गत आगामि १६ गते शनिबार ‘जेसीज प्रेसिडेन्ट सुपर क्रिकेट कप’ एक दिवसिय प्रतियोगितामा डिग्री क्याम्पसको खेल मैदानमा हुने भएको छ विराटनगरमा बिहिबार आयोजित पत्रकार सम्मेलनमा जानकारी दिइएको हो ।
प्रतियोगितामा प्रतिष्ठित व्यापारिक र नाफामुकल संस्था बैंकहरुको सहभागिता रहने विराटनगर जेसीजका अध्यक्ष श्यामसुन्दर पौडेल (मिलन) ले पत्रकार सम्मेलनमा जानकारी दिए ।
प्रतियोगितामा हिमालयन बैंक, फूजिमा आयल, सारडा गु्रप, कुमारी बैंक, एस.बी. आई बैंक, देबनारा गु्रप, भन्सार र मनमोहन पोली टेक्निकल कलेजको गरि ८ वटा संस्थाको सहभागिता रहने जनाइएको छ ।
शनिबार हुने प्रतियोगिताको पहिलो खेल फूजिमा आयल र देवनारा गु्रप बिच प्रतिस्पर्धा हुने अध्यक्ष पौडेलले जानकारी दिए ।
प्रतियोगिताको बिजेता र उपविजेतालाई आकर्षण ट्रफी तथा प्रमाणपत्र प्राप्त गर्नेछन् । प्रतियोगिता सम्पन्न गर्न करिब तीन लाख रुपैयाँ खर्च हुने आयोजकले जनाएको छ ।
