विराटनगर, फागुन १६
विराट व्यापार संघले प्रत्येक वर्ष आयोजना गर्दैै आएको होलि मिलन कार्यक्रम यसवर्ष पनि भब्य रुपमा आयोजना गरेको छ ।
विक्रम सम्वत २०५७ साल देखी प्रत्येकवर्ष होलि पर्वको अबसर पारेर संघले हालि मिलन कार्यक्रमलाई निरन्तरता दिए आएको हो । 
आपसमा सदभाव र भारईचार अभिबृद्धि गर्ने र होलि पर्व सौहार्दपुर्ण वातावरणमा मनाउनुपर्छ भन्ने सन्देश दिन पनि प्रत्येक वर्ष होलि मिलन कार्यक्रम गर्दै आएको विराट व्यपार संघका अध्यक्ष शिव रिजाललले जानकारी दिए । 
मंगलबार विराटनगर स्थित मारवाडी सेवा सदनमा आयोजना गरिएको होलि मिलन कार्यक्रममा आपसमा रंग दलेर होलि खेल्नुका साथै विभिन्न कार्यक्रम पनि गरिएको थियो ।
होली मिलन कार्यक्रममा विषिष्ट व्यक्तित्वदेखी सर्वसाधारण, उद्योगी व्यवसायी, राजनितिक दलका नेतालगायतको वाक्लो उपस्थित रहेको थियो ।
प्रत्येक बर्ष मनाईने यस होली मिलन कार्यक्रम यसपटक विराटनगरलाई एक नम्बर प्रदेशलाई स्थायी राजधानी बनाउने पहलमा आयोजना गरिएको संघका अध्यक्ष रिजालले बताए ।
समृद्ध , पूर्वाधार युक्त, औद्योगिक नगरी तथा शैक्षिक केन्द्रको धरोहर, व्यापारीक तथा प्राचिन शहर राजधानी विराटनगर भन्ने नारा सहित होली मिलनको आयोजना गरिएको विराट व्यापार संघका पूर्व अध्यक्ष यादव पोखरेलले बताए ।
यसवर्ष आयोजना गरिएको होलि मिलनमा नाटक, सांगितिक कार्यक्रमका साथै नाचगान समेत गरेर होलि मनाइएको थियो ।
