व्यवसायी चेतन निरौलाद्धारा जन्म दिनमा विपन्न वालवालिकालाई २ सय जोर स्कुल जुत्ता वितरण

0SHARES

१७ माघ २०७४ नेपाल टाईम्स

किशोर विश्वकर्मा
विराटनगर, माघ १७
विराटनगरका व्यवसयी चेतन निरौलाले आफ्नो जन्म दिनका अबसरमा सरकारी विद्यालयमा अध्यनरत आर्थिक रुपले विपन्न परिवारका वालवालिकालाई २ सय जोर स्कुल जुत्ता र मोजा वितरण गरेका छन् ।

नेपाल घरेलु तथा साना उद्योग महासंघ मोरङका उपाध्यक्ष र लायन्स क्लब अफ विराटनगर युनिकका चार्टर सदस्य समेत रहेका निरौलाले आफ्नो ४४ औँ जन्म दिनको अबसरमा बुधबार करिब ८० हजार रुपैयाँ मुल्य बराबरका २ सय जोर जुत्ता र मोजा विराटनगर–५ स्थित आधारभुत प्राथमिक विद्यालयमा अध्यनरत बालवालिकालाई वितरण गरेका हुन् ।

लयन्स क्लब अफ विराटनगर युनिकद्धारा आयोजित एक कार्यक्रमका बिच निरौला, उनकी पत्नी प्रतिभा र छोरिहरु अनुसा र आयूसा, लायन्स क्लब अफ इन्टरनेशनल डिस्ट्रीक्ट ३२५ ए वानका गभर्नर लिला ढुंगेल, लायन्स क्लब अफ विराटनगर युनिकका अध्यक्ष अजय दाहाल, लायन्स क्लब अफ इन्टरनेशनल डिस्ट्रीक्ट ३२५ ए वानका रिजन चियर पर्सन नित्तम चौहान, लायन विनोद राउतलगायतले स्कुल जुत्ता र मोजा वितरण गरेका हुन् ।

सोही अबसरमा निरौलाको जन्म दिनका अबसरमा केक काटेर जन्म दिन मनाई विद्यालयमा अध्यनरत बालवालिकालाई लियो क्लबका सदस्यहरुले वितरण गरेका थिए ।

सो अबसरमा बोल्दै लायन्स क्लब अफ इन्टरनेशनल डिस्ट्रीक्ट ३२५ ए वानका गभर्नर लिला ढुंगेलले जन्म दिनका अबसरमा विभिन्न किसिमले समाज सेवा गर्ने परम्परा लायन्सका सदस्यहरुमा बस्दै गएकाले आर्थिक रुपमा विपन्न परिवारका वालवालिकालाई जाडोको समयमा निरौलाले स्कुल जुत्ता वितरण गरेर सराहनिय कार्य गरेको बताए । उनले व्यवसायी निरौलालाई उक्त कार्यलाई आगामि वर्षहरुमासमेत निरन्तरता दिन आग्रह गरे ।

उक्त अबसरमा लायन्स क्लब अफ विराटनगर युनिकका अध्यक्ष अजय दाहालले लायन्स क्लबले विभिन्न वार्षिक उत्सव तथा उत्सवहरुमा सोही प्रकारका कार्यक्रम गरि मनाइदै आएको बताए ।

कार्यक्रममा विद्यालयका प्रधानाध्यापक इन्दु पोखरेलले उक्त विद्यालयमा अध्यन्रत वालवालिका अभिभावक आर्थिक रुपले विपन्न भएकाले स्कुल जुत्ता वितरण गरेर उदाहरणीय कार्य गरेको बताईन ।

विज्ञापन बक्स