२ असार, विराटनगर । विश्व महामारी बनेको कोरोना भाइरसका कारण गत वर्षदेखि नै मुलुक आक्रान्त छ । संक्रमण नियन्त्रण गर्नका लागि अहिले पनि मुलुकको अधिकाँश क्षेत्रमा निषेधाज्ञा जारी छ ।
सरकार र सरोकारवालाहरुलेकोभिड नियन्त्रण र रोकथामका लागि कम्मर कसिरहेका छन् । तर यसबीच पनि नेपालमा ६ लाख बढि संक्रमित भए भने८ हजार बढिले ज्यान गुमाइ सकेका छन् ।
अर्कातिर निषेधाज्ञाले काम गरि गुजारा चलाउँने हरुलाई सास्ती थपिदिएको छ । महामारीले यसरी जनजीवन कष्ठकर र निराशजनक बनाउँदा समाजमा मानवता, एकअर्काप्रति सहयोग, बन्धुत्वको भावनामा कत्ति पनि कमि आएको छैन ।
अझ यो झनै बढेर गएको देखिएको छ । विशेष गरि महामारीका कारण अप्ठ्यारोमा परेकाहरुलाई सहयोग गर्न जसरी ब्यक्ति वा संस्थाहरु स्वस्फुर्तरुपमा अगाडी आएका छन् यसले हामी सबैको संयुक्त प्रयास भयो भने जस्तो सुकै कठिनाई पनि हटेर जान्छ भन्ने संदेश दिएको छ ।
यसै संदेशका साथ अप्ठ्यारोमा परेकालाई सहयोग गर्ने उद्धेश्यलेविराटनगर स्थित एउटा ब्यापारिक घराना, राठी एडहेसिभ इन्डस्ट्रीज सामाजिक सेवामा थप एक कदम अगाडि देखिएको छ ।
जसले कोभिडबाट संक्रमित भएकाहरुलाई निशुल्क रुपमा अस्पतालसम्म सहज रुपमा पुर्याउने काम सुरु गरेको छ । द बन्ड अफ होप( तजभ दयलम या जयउभ) कार्यक्रममार्फत मोरङ जिल्लाभरि कुनैपनि बेला निःशुल्क एम्बुलेन्स सेवा सुरु गरेको राठी एडेसिभ इन्डस्ट्रीजका संचालक अरुण राठीले बताए । यो सेवाबाट कोभिडका धेरै विरामीहरुले लाभ प्राप्त गर्ने संचालक राठीको विश्वास छ ।
कार्यक्रमको पहिलो चरणमा मोरंग जिल्लाभरि मात्रै सुरु गरिएको निशुल्क एम्बुलेन्स सेवा आगामी दिनमा एक नम्बर प्रदेशभरी नै संचालन गर्ने योजना रहेको संचालक अरुण राठीले बताए ।
राठी ग्रुपका संचालक अरुण राठीसहित अन्य बोर्ड अफ डायरेक्टर्स श्याम राठी र मुकेश राठीले संयुक्त रुपमा उक्त कार्यक्रमको रिबन काटेर उद्घाटन गरेका थिए । यसअघि पनि उद्योगले आफ्नो सामाजिक उत्तरदायित्व अन्र्तगत विभिन्न सामाजिक कार्यक्रमहरु गर्दै आएको छ ।
