सिरियास्थित इरान समर्थित लडाकुको अखडामा अमेरिकाद्वारा हवाई आक्रमण

१४ फागुन, एजेन्सी । अमेरिकाले सिरियामा रहेको इरान समर्थित लडाकुको अखडामा हवाई आक्रमण गरेको छ ।

समाचार संस्था रोयटर्सका अनुसार हिजो अमेरिकी राष्ट्रपति जो बाइडेनले अनुमति दिएपछि आक्रमण भएको हो ।

आक्रमणका कारण भएको क्षतिबारे जानकारी आइसकेको छैन । इराकमा रहेको अमेरिकी सेनाको शिविरमा इरानबाट भएको रकेट आक्रमणको जवाफी कारबाही स्वरूप अमेरिकाले आक्रमण गरेको खबरमा उल्लेख गरिएको छ ।

यसअघि गएको हप्ता अमेरिकी सेनाको शिविरमा आक्रमण भएको थियो । त्यो आक्रमणमा एक जना गैर–अमेरिकी ठेकेदारको ज्यान गएको थियो भने चार अमेरिकी ठेकेदारसहित ६ जना घाइते भएका थिए ।