स्वास्थ्य सामग्री खरिदबारे सेनाले भन्यो -विना तथ्य–प्रमाण आक्षेप लगाईयो

0SHARES

२८ जेष्ठ २०७७ नेपाल टाईम्स

२८ जेठ, काठमाडौं ।
जंगीअड्डाले स्वास्थ्य सामग्री खरिदमा नेपाली सेनालाई विवादमा ल्याउने प्रयास भएको बताएको छ । सैनिक सूचना तथा जनसम्पर्क निर्देशनालयले विज्ञप्ति जारी गर्दै कोभिड-१९ महामारी रोकथाम, नियन्त्रण र उपचारका लागि जीटुजी (सरकार-सरकार) प्रक्रियाबाट भएको स्वास्थ्य सामग्री खरिदमा सेनालाई विवादमा मुछ्ने प्रयास भएको बताएको छ ।

सरकारले दिएको जिम्मेवारी बमोजिम तत्कालीन अन्तर्राष्ट्रिय बजार तथा स्वदेशी बजारमा स्वास्थ्य सामग्रीको चरम अभाव भएको परिस्थितिमा समेत पारदर्शिताका साथै उच्च स्तरीय मितव्ययिता अपनाउन खरिद इकाई र गुणस्तर निरीक्षण उपसमिति गठन गरेर स्वास्थ्य सामग्री खरिद कार्य सम्पन्न गरिएको सेनाको भनाइ छ ।

विज्ञप्तिमा भनिएको छ- ‘होल अफ नेसन एप्रोच अवलम्बन गर्दै परिचालन गर्न अत्यावश्यक देखिएको अवस्थामा राष्ट्रिय संयन्त्रको एक महत्वपूणर् अंगको रुपमा रहेको नेपाली सेनाबाट प्रचलित प्रक्रिया र मापदण्ड बमोजिम खरिद भएका सामग्रीको मूल्यको तुलनाको आधारमा, विना तथ्य प्रमाण राष्ट्रिय सेनालाई आक्षेप लगाउन खोज्नु आफैंमा अत्यन्त गम्भिर विषय हो ।’

विज्ञापन बक्स