हङकङमा जारी प्रदर्शन थप हिंसात्मक बन्दै

२० आश्विन २०७६

२० असोज, एजेन्सी । हङकङमा जारी सरकारविरोधी प्रदर्शन थप हिंसात्मक बन्दै गएको छ । प्रदर्शनकारीले विभिन्न शैलीमा सरकारको विरोधमा विभिन्न कार्यक्रम आयोजना गरेका छन् ।

सुरक्षाकर्मीले उक्त कदम नियन्त्रणका लागि बल प्रयोग गर्दा आन्दोलनले हिंसात्मक रुप लिएको छ । हजारौंको संख्यामा सडकमा ‍र्यालीमा सहभागी भएकाहरुमाथि सुरक्षाकर्मीले बल प्रयोग गर्दा दोहोरो झडप भएको अन्तराष्ट्रिय समाचार संस्थाहरुले जनाएका छन् ।

सरकारले केही दिनअघि आन्दोलनकारीलाई मास्क लगाउन प्रतिबन्ध लगाएपनि त्यसको उल्लंघन भएको छ । प्रदर्शनका क्रममा आइतबार राति पनि कयौं प्रदर्शनकारी र सुरक्षाकर्मी घाइते भएका जनाइएको छ ।

प्रदर्शनकारीहरुले विभिन्न व्यापारीक तथा निजी भवनहरुमा तोडफोड र आगजनी गर्न थालेपछि प्रदर्शन हिंसात्मक भएको हो । उनीहरुले सुरक्षार्कीलाईसमेत इँटा प्रहार गरेको बताइएको छ ।

लामो समयदेखि सरकारको विरोधमा हङकङमा आन्दोलन भइरहे पनि समस्या समाधानका लागि प्रशासनले चासो देखाएको छैन ।

हङकङमा चार महिनादेखि आन्दोलन भइरहँदा अन्तराष्ट्रिय समुदायलेसमेत चासो देखाएका छन् । चीन सरकारले पनि उक्त आन्दोलनलाई मथ्थर पार्न कुनै कदम नचालेको आरोप लाग्दै आएको छ ।

Facebook Comments

विज्ञापन बक्स