हेल्पिङ हेण्डसद्वारा विराटनगरका विपन्नलाई कम्मल वितरण

0SHARES

१२ पुष २०७६ नेपाल टाईम्स

 १२ पुस, विराटनगर । सामाजिक काम गर्ने उद्धेश्यले विराटनगरस्थित अरनिको उच्चमाविमा अध्ययनरत विद्यार्थीहरुले सुरु गरेको बिराटनगर हेल्पिङ हेण्डस् नामक संस्थाले विपन्न ब्यक्तिहरुलाई जाडोको कपडा वितरण गरेको छ ।

बिराटनगर घर भई काठमाडौँ बस्दै आएका काठमाडौ स्कुल अफ लमा अध्ययनरत आभाष फुयालको पहलमा पहिलो चरणमा सो विद्यार्थीको समूहले करिब २० जना खुल्ला आकाशमुनि रात बिताउन बाध्य व्यक्तिहरुलाई कम्मल बाडेको छ ।

पछिल्लो केही सातादेखि तराईमा चिसो बढेको र चिसोमा विपन्न वर्गलाई रात विताउन समस्या भईरहेको बेला साना भएपनि सहयोग गरौ भन्ने उद्धेश्यले कम्मल वितरण गरिएको बिराटनगर हेल्पिङ हेण्डस् की अध्यक्ष किशु कोइरालाले जानकारी दिइन् ।

हेल्पिङले अब केही दिनमै अरु सडकमा बस्ने मानिसहरुलाई लक्षित गरि न्यानो कपडा तथा कम्मल बाड्ने योजना बनाएको कार्यक्रम संयोजक निखिल नेपालले जानकारी दिए ।

विज्ञापन बक्स