४ माघ, काठमाडौँ ।
अमेरिकी अन्तरिक्ष संस्था नासामा प्रशिक्षार्थी भएको तीन दिनमै अन्तरिक्षमा नयाँ ग्रह पत्ता लगाएका छन् । बिबिसीले जनाए अनुसार १७ वर्षीय किशोर वुल्फ कुकिअरले यस्तो पत्ता लगाएका हुन् ।
बिबिसीका अनुसार शक्तिशाली भूउपग्रहबाट आएका तस्बिरहरु हेरिरहँदा वुल्फले अचानक अनौठो चिज देखेपछि यसबारे खोजी गर्दा ग्रहको पुष्टि भएको हो । उक्त अनौठो वस्तु १ हजार ३ सय प्रकास वर्ष टाढा रहेको समाचार नासाले पुष्टि गरेको छ ।
उनले देखेको अनौठो वस्तुलाई आफ्ना पर्यवेक्षकलाई देखाएपछि नयाँ ग्रहबारे पुष्टि भएको हो । वुल्फले पत्ता लगाएको नयाँ ग्रह पृथ्वी भन्दा ६ दशमलब ९ गुणा ठूलो रहेको पनि समाचारमा छ । जुन बस्नयोग्य नभएको र तरल पदार्थले भरिएको अनुमान गरिएको छ ।
बिबिसीका अनुसार ती किशोरले दुई महिना नासामा प्रशिक्षार्थीको रुपमा काम गरेर विद्यालय फर्किसकेका छन् । विदाको क्रममा उनले प्रशिक्षार्थी बन्ने मौका पाएका थिए ।
