६ महिना पूरा हुदाँपनि प्रदेश मुख्यमन्त्री राईको सम्पत्ति विवरण सार्वजनिक भएन

0SHARES

२५ भाद्र २०७५ नेपाल टाईम्स

विराटनगर,भदौ २५
प्रदेश सरकार गठन भएको ६ महिना पूरा हुदाँपनि प्रदेश नं १ का सरकारका सदस्यहरुले सम्पत्ति विवरण बुझाउन अटेर गरेका छन् । मुख्यमन्त्री शेरधन राईसहित तीन जना मन्त्रीले अझैपनि आफनो सम्पत्ति विवरण बुझाएका छैनन् । प्रदेश सरकारको मन्त्रिमण्डल पाँच सदस्य रहेको छ । जसमा सामाजिक बिकास मन्त्री जीवन घिमिरे र आन्तरिक मामिला तथा कानुन मन्त्री हिक्मत कार्कीले मात्र आफनो सम्पत्ति विवरण बुझाएको मुख्यमन्त्री तथा मन्त्री परिषदको कार्यालयले जनाएको छ ।

आन्तिरिक मामिला तथा कानुन मन्त्री कार्की र सामाजिक बिकासमन्त्री घिमिरेले भने पदधारण गरेको ६० दिन अगावै आफनो सम्पत्ति विवरण मुख्यमन्त्री तथा मन्त्रिपरिषदको कार्यालयमा बुझाएका थिए ।मुख्यमन्त्री तथा मन्त्रीपरिषदको कार्यालयका अनुसार मुख्यमन्त्री शेरधन राई, उद्योग वन,वातावरण तथा पर्यटनमन्त्री जगदीशप्रसाद कुसियैतले आफनो सम्पत्ति विवरण हालसम्म बुझाएका छैनन् ।

पाँच सदस्यमन्त्री मण्डलमध्ये भौतिक पूर्वधार र कृषि तथा सहकारी मन्त्रालयले अहिलेसम्म मन्त्री पाउन सकेको छैन । कानुन अनुसार मुख्यमन्त्री तथा मन्त्रीहरुले आफू पदमा नियुक्त भएको १५ दिनभित्र सम्पत्ति विवरण सार्वजनिक गर्नुपर्ने प्रावधान छ । तर,प्रदेश सरकारका मुख्यमन्त्री चयन भएको झण्डै सात महिना हुँदा पनि सम्पत्ति विवरण बुझाएका छौनन् । २०७४ फागुन ११ गते तत्कालीन एमाले प्रदेश संसदीय दलका नेता शेरधन राई प्रदेश १ को मुख्यमन्त्री पदमा वाहाली भएका थिए । उक्त दिन नै राईले पाँच सदस्य मन्त्री मण्डल गठन गरेका थिए । मुख्यमन्त्री तथा मन्त्रीहरुले मुख्यमन्त्री तथा मन्त्रिपरिषद् कार्यालयलाई बुझाएको सम्पत्ति विवरण सोही कार्यालयको बेबसाइटमार्फत सार्वजनिक गर्ने चलन छ ।

मन्त्रिपरिषद्का सदस्यहरुले भ्रष्टाचार निवारण ऐन, ०५९ को दफा ५० बमोजिम आफ्नो र परिवारको नाममा रहेको चल अचल सम्पत्तिको विबरण ६० दिनभित्र सार्वजनिक गर्ने प्राबधान छ ।

विज्ञापन बक्स