९५ सामुदायिक विद्यालयलाई प्राविधिक शिक्षा सञ्चालन गर्न स्वीकृति

0SHARES

२८ श्रावण २०७५ नेपाल टाईम्स

काठमाडौँ, साउन २८
प्राविधिक शिक्षा तथा व्यावसायिक तालीम परिषद्ले विभिन्न जिल्लाका ९५ सामुदायिक विद्यालयलाई तीनवर्षे प्राविधिक शिक्षा सञ्चालन गर्न स्वीकृति दिएको छ ।विभिन्न जिल्लामा आठ वटा बहुप्राविधिक शिक्षालय स्थापना गर्नेसमेत निर्णय गरेको छ । तालीम परिषद्को आज बसेको बैठकले ती दुई महत्वपूर्ण निर्णय गरेको परिषद्का सदस्य–सचिव पुष्परमण बाग्लेले जानकारी दिए ।

यसले प्राविधिक शिक्षाको विकास, विस्तार, पहुँच तथा गुणस्तरीय बनाउन कोशेढुङ्गाको काम गर्ने विश्वास गरिएको छ । यसअधि २१७ वटा सामुदायिक विद्यालयमा १८ महीने र तीनवर्षे प्राविधिक शिक्षा सञ्चालनमा रहेको बताइएको छ ।

प्रधानमन्त्री केपी शर्मा ओलीले दुई वर्षभित्र सबै स्थानीय तहमा प्राविधिक शिक्षालय स्थापना गर्ने योजनालाई मूर्तरुपसमेत दिएको छ । परिषद्अन्तर्गत हाल ३७ वटा आङ्गिक शिक्षालय, २१७ सामुदायिक विद्यालय, पाँच वटा साझेदारी शिक्षालय, ४२९ वटा निजी संस्थालाई प्राविधिक शिक्षाको स्वीकृति दिएको छ ।

यसैगरी बैठकले ओखलढुङ्गास्थित जिल्ला अस्पताललाई नर्सिङ तहको पठनपाठनका लागि संभाव्यता अध्ययन गर्न समिति गठन गर्ने र सो टोलीलाई स्थलगत अध्ययनमा पठाउने निर्णय भएको सदस्य–सचिव वाग्लेले जानकारी दिए।

परिषद्अन्तर्गत हाल स–साना छोटा अवधिका ८०० तालीम सञ्चालनसमेत भइराखेको छ । “हामी गरिखाने, भूगोल र माटो सुहाउँदो शिक्षालाई समुदायस्तरमा पु¥याउने अभियानमा छांै ।” उनले भने । सदस्य–सचिव वाग्लेले सबै स्थानीय तहमा प्राविधिक शिक्षा पु¥याउन कार्ययोजना तयार गरी कार्यान्वयनमा उतारेको जानकारी दिए ।
रासस

विज्ञापन बक्स