विराटनगर, कात्तिक ८
विजयादशमीको दिन विराटनगरमा भएको हत्याकाण्डमा संलग्न अभियुक्त पक्राउ परेका छन् । गएको असोज २ गते दशैंको मेला घुम्ने क्रममा हत्या गरिएका विराटनगरका १४ का राहुल भगतको हत्यामा संलग्न अभियुक्तलाई प्रहरीले पक्राउ गरि सार्वजनिक गरेको हो ।
सो प्रक्ररणमा संलग्न ६ जना अभियुक्तलाई प्रहरीले पक्राउ गरेको छ । जिल्ला प्रहरी कार्यालय मोरङले विहीबार पत्रकार सम्मेलनको आयोजना गरि पक्राउ गरिएकामध्ये विराटनगर ११ का १८ बर्षिय कुहिरा भन्ने बिशाल सहनीलाई सार्वजनिक गरेको छ ।
अन्य ५ जना अभियुक्तहरुलाई भने प्रहरीले सार्वजनिक गरेको छैन । उनीहरु १६ बर्षदेखि १८ बर्ष उमेर समूहका रहेकाले सार्वजनिक नगरिएको मोरङ प्रहरी प्रमुख एसपी मनोजकुमार केसीले जानकारी दिए ।
मेला घुम्न गएका साथीहरुबीच सामान्य भनाभन र झगडा भएकै आधारमा अभियुक्तहरुले घेराहाली मृतक भगतलाई छुरा प्रहार गरेको प्रारम्भीक अनुसन्धानको क्रममा खुलेको उनले जानकारी दिए ।
पक्राउ गरिएका बिरुद्ध कर्तब्य ज्यान मुद्दाअन्र्तगत थप अनुसन्धान भइरहेको प्रहरीले जनाएको छ ।
यो पनि हेर्नुहोस् :
विराटनगरमा संसाझै हत्या
