Nepal Times
Nepal Times
3
Shares

सुनसरीमा ठूलो परिमाणमा लागुऔषधसहित दुई पक्राउ

सुनसरीमा ठूलो परिमाणमा लागुऔषधसहित दुई पक्राउ

विराटनगर, जेठ ३ ः सुनसरीको वराह नगरपालिका –१० प्रकाशपुरबाट ठुलो परिणममा लागुऔषध सहित दुई जनालाई प्रहरीले पक्राउ गरेको छ ।

प्रहरीले मंगलबार चार हजार तीन सय पचास थान लागुऔषध स्पास्मोप्रोक्सिवन र एक सय मि.लि. को ५० बोतल डाइलेक्स डिसीसहित दुई युवालाई पक्राउ गरेको हो ।

पक्राउ पर्नेमा धरान उपमहानगरपालिका ८ बस्ने २३ वर्षीय अजय विश्वकर्मा र धरान–१५ बस्ने– २४ वर्षीय निवेक श्रेष्ठ रहेका छन् ।
प्रहरी चौकी प्रकाशपुरको टोलीले विशेष सुचनाका आधारमा मंगलबार राती करिब १० बजे उनीहरुलाई वराह नगरपालिका– १० नहर चौकबाट पक्राउ गरेको हाे।

को २५ प ६४८८ नम्वरको निलो पल्सर मोटरसाईकलमा सवार उनीहरुलाई चेकजाँच गर्दा कालो लेदरको ब्यागबाट सो परिमाणको लागुऔषध फेला परेको थियो।

उनीहरुले उक्त लागुऔषध भारतको भिमनगर बजारबाट नेपाल भित्र्याएको र सुनसरीको धरानतर्फ बिक्रिका लागी लैजादै गरेको प्रारम्भिक अनुसन्धानबाट खुल्न आएको हुँदा दुबै जनालाई लागुऔषध नियन्त्रण ऐन अन्तरगत मुद्धा दर्ता गरी थप अनुसन्धान कार्य भई रहेको जिल्ला प्रहरी कार्यालय सुनसरीले जनाएको छ ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.