१८ मंसिर, काठमाडौं । वैदेशिक रोजगारीमा जाने श्रमिकले अब अनलाइनबाटै म्यादी जीवन बीमा र कल्याणकारी कोषमा अनलाइनबाटै रकम जम्मा गर्न सक्ने भएका छन् ।
यसअघि तोकिएको बैंकमा गएर तिर्नुपर्नेमा अब भने ईसेवा फोन पे प्रालि, स्प्यारो पे प्रालिबाट रकम तिर्न सकिने वैदेशिक रोजगार विभागले जनाएको छ ।
अनलाइनमार्फत सन नेपाल लाइफ इन्स्योरेन्स कम्पनीले म्यादी जीवन बीमा जारी गर्नेछ । यसरी अनलाइमार्फत रकम जम्मा गर्दा श्रमिकले एक रुपैयाँ पनि शुल्क लाग्नेछैन ।
