विराटनगर, जेठ १४
राष्ट्रिय सञ्चार माध्यममा लामो अनुभव बटुलेका विराटनगरका पत्रकार हरिहर नेपाल अनलाइन मिडिया ‘नेपाल टाईम्स’ मा आवद्ध हुनुभएको छ । उहाँलाई नेपाल टाईम्सले एक कार्यक्रमका बीच सल्लाहकारको रुपमा आवद्ध गराएको हो ।
कार्यक्रममा नेपाल टाईम्सका महानिर्देशक मुकुल दाहालले पत्रकार नेपाललाई दोसल्ला ओढाएर स्वागत गर्नुभएको थियो ।
कार्यक्रममा पत्रकार नेपालले छोटो समयमा लोकप्रिय बन्न सफल सञ्चार माध्यम ‘नेपाल टाईम्स’मा सल्लाहकारको रुपमा आवद्ध हुन पाउनु आफना लागि खुशीको कुरा भएको बताउनुभएको थियो ।
यस्तै कार्यक्रममा नेपाल टाईम्सका ब्यबस्थापकीय निर्देशक सैहैन्शा सिद्दिकीले पत्रकार नेपालले आफूहरुलाई गरेको सहयोगको प्रसंशा गर्दै औपचारिक रुपमा नेपाल टाईम्स टिममा सामेल गराउँदा गर्व लागेको बताउनुभयो ।
सिद्दिकीले नेपाल जस्तो क्षमतावान पत्रकारको सल्लाह सुझाब र सहयोगले नेपाल टाईम्सले ठूलो छलाङ मार्नेमा आफू विश्वस्त भएको बताउनुभयो ।
कार्यक्रममा नेपाल टाईम्सका सम्पूर्ण कर्मचारीहरुको उपस्थिति रहेको थियो ।
