Nepal Times
Nepal Times
3
Shares

अनलाइन मिडियाको मुख्य चुनौती विश्वसनीयता स्थापित गर्नु ः सभामुख महरा

अनलाइन मिडियाको मुख्य चुनौती विश्वसनीयता स्थापित गर्नु ः सभामुख महरा

काठमाडौं, जेठ १५
सभामुख कृष्णबहादुर महराले पत्रकारिताको अबको लक्ष्य देश र जनता हुनुपर्ने बताएका छन्।

बुद्धभूमि मिडिया प्रालिले शुरु गरेको रिपोर्ट नेपाल डट कमको आज यहाँ उद्घाटन गर्दै उनले भने, “साँचो अर्थमा पत्रकारिता गर्ने हो भने देश र जनतालाई नबिर्सिनुस्, त्यसमा देशको मिसन पूरा हुन्छ ।”

अहिले अनलाइन मिडियाको मुख्य चुनौती विश्वसनीयता स्थापित गर्नु रहेको भन्दै सभामुख महराले मिडियाको विश्वसनीयता कति सत्य, तथ्य र निष्पक्ष हुन्छ, त्यसले नै निर्धारण गर्ने बताए ।

आफूले १० वर्षअघि सञ्चारमन्त्री हुँदा पत्रकारिता क्षेत्रसँग नजिक रहेर काम गरेको स्मरण गर्दै उनले पछिल्लो समय मिडियाको संख्या निकै बढेकाले आफ्नो छुट्टै पहिचान बनाउन रिपोर्ट नेपाललाई आग्रह गरे ।

विगतमा राष्ट्रियताबिनाको लोकतन्त्र र लोकतन्त्र बिनाको राष्ट्रियता रहेको चर्चा गर्दै सभामुख महराले अहिले लोकतान्त्रिक गणतन्त्रमा राष्ट्रियता र लोकतन्त्र सँगसँगै रहेको बताए ।
रासस

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.