विराटनगर,जेठ १८ ः नेपाललाई अन्तराष्ट्रिय क्रिकेट काउन्सिल (आईसीसी)ले वान डे वरीयतामा समावेश गर्ने भएको छ ।
अन्तर्राष्ट्रिय क्रिकेट काउन्सिल (आईसीसी)ले शुक्रबार नेपालसँगै स्कटल्यान्ड, नेदरल्यान्ड्स र यूएईलाई वान डे वरीयतामा समावेश गर्ने निर्णय गरेको हो ।
आईसीसीले प्रेस विज्ञप्ती जारी गर्दै यो वरीयता जुन १ बाट लागू हुने जनाएको छ । यसअघि वरीयताका रहेका १२ टिमसँगै अब यसमा १५ टिम हुनेछन् ।
नेपालले अहिलेसम्म औपचारिक रूपमा वान डे खेलेको छैन र यस्तोमा नेपालको अंक पनि शून्य छ । अब नेपालले वान डे खेलेपछि नेपालको नाम वरीयतामा अंकसहित चढ्ने छ ।
आइसीसीको वरीयतामा वरीयताको शीर्ष स्थानमा इंग्ल्यान्ड छ भने नेपाल अन्तिम स्थानमा छ । इंग्ल्यान्ड पछि भारत, दक्षिण अफ्रिका, न्युजिल्यान्ड र अस्ट्रेलिया छन् ।
त्यस पछाडि पाकिस्तान, बंगलादेश, श्रीलंका, वेस्ट इन्डिज, अफगानिस्तान, जिम्बावे, आइसल्यान्ड, स्कटल्यान्ड र यूएई छन् ।
नेपाल, स्कटल्यान्ड, नेदरल्यान्ड्स र यूएईले एक आपसमा वान डे खेल्ने पनि आईसीसीले जनाएको छ ।
नेपालले आईसीसी वल्र्ड क्रिकेट लिग क्वालिफायरमा एसोसियट देशमध्ये शीर्ष तीनमा रहेर वान डे मान्यता पाउन सफल भएको हो ।
