विराटनगर,जेठ २७
मोरङको रंगेलीबाट भारत तर्फ तस्करी हुँदै गरेको तीन सय लिटर डिजेल प्रहरीले बरामद गरेको छ ।
इलाका प्रहरी कार्यालय रंगेलीले भारततर्फ लैजादै गरेको दुई वटा मोटरसाइकलसहित ३०० लिटर डिजेल नियन्त्रणमा लिएको हो।
तस्करहरुले बिभिन्न पेट्रोल पम्पहरुबाट किसानहरुको नाममा ड्रम तथा ग्यालेनमा डिजेल भर्ने र तस्करी गर्ने पाइएपछि त्यस्तो कार्यमा समेत रोक लगाउन टोली परिचालन गरिएको उक्त कार्यालयले जनाएको छ।
त्यसैगरी सोही कार्यालयबाट खटिएको गस्ती टोलीले शुक्रबार साँझ दुई वटा साइकलसहित ३० लिटर घरेलु मदिरा बरामद गरेको छ।
