१७ वैशाख, विराटनगर । सुनसरीमा कोरोना संक्रमित बढेपछि सुनसरी प्रशासनले निषेधाज्ञा लगाउने निर्णय गरेको छ ।
सुनसरी जिल्ला प्रशासन कार्यालयमा बसेको बैठकले सुनसरी क्षेत्रभित्र आज शुक्रबार राति १२ बजेदेखि वैशाख २४ गते रातिसम्म निषेधाज्ञा जारी गर्ने निर्णय गरेको कार्यालयका सूचना अधिकारी महेशकुमार पोख्रेलले जानकारी दिएका छन् ।
यो अवधिमा अत्यावश्यकबाहेक हिँड्डुल र सवारी साधन सञ्चालनमा रोक लगाइएको छ ।
सर्वसाधारणलाई कतै ननिस्की घर बस्ने आदेश जारी गरिएको छ भने सरकारी कार्यालयहरूमाथिको निर्देशन आलोपालो गरेर सेवा प्रभाव गर्न भनिएको छ।
सवारी साधन जोरविजोर प्रमाणीमा मात्र सञ्चालन गर्न पाइने जिल्ला प्रशासनले जनाएको छ। यता खाद्यान्नका पसलहरू बिहान ६ बजेदेखि ११ बजेसम्ममात्र खोल्न दिइने छ ।
सीमानाबाट संक्रमण आउने खतरा टार्न जिल्लाको भण्टाबारी नाकाबाट विदेशी नागरिकलाई प्रवेश निषेध गरिएको छ ।
