२२ वैशाख, एजेन्सी ।
ट्वीटर तथा फेसबुकबाट प्रतिबन्धित भएपछि अमेरिकाका पूर्व राष्ट्रपति डोनाल्ड ट्रम्पले आफ्नै नामको नयाँ वेबसाइट सार्वजनिक गरेका छन्।
नयाँ वेबसाइटमा सीधै ट्रम्पबाटै सामग्रीहरु पोस्ट हुने दाबी गरिएको छ। गएको जनवरी ६ मा अमेरिकी संसद भवनमा भएको आक्रमणपछि ट्रम्पमाथि ट्वीटरले प्रतिबन्ध लगाएको छ भने फेसबुक र युट्युबले उनको एकाउन्ट निलम्बित गरेका छन्।
त्यसयता ट्रम्पले प्रेस विज्ञप्ति मार्फत आफ्ना धारणा राख्दै आएका छन्। अब भने ती विज्ञप्ति तथा अरु सामग्री र ट्वीट प्रकृतिका टिप्पणीहरु ट्रम्पले आफ्नो नयाँ वेबसाइट मार्फत गर्ने छन्।
प्रयोगकर्ताहरुले नयाँ वेबसाइटमा ट्रम्पले गरेका पोस्टहरु लाइक गर्न तथा ट्वीटर र फेसबुकमा सेयर गर्न पनि पाउने छन्।